ISAI 40:26 - Bawm Common Language Bible Version

²⁶ Vândum khi zauhnik! Ârfi na muh mi khi âunih a siam? Kawrsen rual hâwi hen ruitu asi le, zeizat an si a theih hep na, an min chiau hen a auh na. A thiltikhonâk chu thungâi a rokual le, pakhat khawm a relh dahlo.

ISAI 40:26 ပူးပေါင်းရင်းမြစ်များ

GENESIS 1:14

Churawhchun, Pathian nih, “Zân leh sûn ṭhentu ding ah vândum ah khin chêu hawng um seh; tik-le-ri, kum tla leh sakhua puai ni tla dawmh hen;

GENESIS 1:16

Chun, Pathian nih a chêu khun mi panih a siam, nî chu sûn lâirêltu ah, thlâ chu zân lâirêltu rang ding ah; ârfi tla khawm a siam na.

SAM 102:25

A lân thawk hen tual chu na tuah le, nangmah kut tak hen vân chu na siam.

SAM 119:91

Na thupêk ruangah thil zawzawng tla chu tutiang hen a um le, nangmah to-aw tla hep an si ruangah.

SAM 121:1

Zei leikâng thawk hen hawng ka ṭangpitu a hawng lai aw? ti hen tlâng leiah ka mit ka rak.

SAM 19:1

Vân nih Pathian rokual zia chu thungâi a langh fiangtir! A thilti tla chu fiang tak hen a langhtir!

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

ISAI 34:16

LALPA thilnung siam mi lasuibu ah hâwl le, zei a sim rêl rawh. Hi bang thilsiam lakah pakhat khawm relh asi lai lo, a bawp um lo mi pakhat khawm a um lo. LALPA nih chu hâwi hen um ding hen thu a pêk, amah tak nih a pumh na lai.

ISAI 42:5

Pathian nih vân tla a siam le, a pharh; tual leh chu lakah um mi tla umdân ding a siam. Mi zawzawng sinah nungnâk leh thaw a pêk na. Tuah LALPA Pathian nih a to-aw sinah thu a sim le,

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 45:12

Kei, tual siam hen a sungah um ding mi minung siamtu kasi. Ka thiltikhonâk hen vân tla ka pharh le, nî leh thlâ leh ârfi tla ka thu thu hen ka siam na.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 48:12

LALPA nih, “Ka nan kawh na mi Israel tla, ka thu ngâi u! Kei Pathian, a masa chem leh a madung chem Pathian pakhat cho chu kasi!

ISAI 48:13

Ka kut hen tual lungphûm ka siam le, vân ka pharh. Tual leh vân ka kawh na liauah rang tak hen an hawng le, ka sinah anna pêk.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

DEUTERONOMY 4:19

Vân ah nan muh mi nî, thlâ leh ârfi tla sawnh ding hen khawm perpet hen um lah u. Chubang zawzawng tla chu LALPA nan Pathian nih midang tla rangah sawnh ding hen a pêk na mi asi.