ISAI 40:24 - Bawm Common Language Bible Version

²⁴ Thil keuh phun hen ram a thlâk mi hâwi asi. LALPA nih thli a hawng lêngtir le, An châr le, fapawn hâwi hen thli nih a sêm phin.

ISAI 40:24 ပူးပေါင်းရင်းမြစ်များ

2 SAMUEL 22:16

Tisumsumriat tawdeng chu a karo hen a siah. Churawhchun, tual lungphûm chu awng asi. LALPA nih a mêlma a fâi hen thinthawk hen a rûm nawh na.

2 Lal 10:11

Churawhchun, Jehu nih Ahab rualsia Jezreel ah an um mi zawzawng leh a hotu ah a siam na mi tla, a hâwikawmh tla, bâwlpu tla a thah hep na le, pakhat khawm a zuah na lo.

JOB LASUIBU 21:18

Pathian nih a thinthawknâk hen misual chu fabû thli nih a ranh ving hâwi leh ruah nih valeidip a fenh mi hâwi hen a rêp dah tâwn ma?

JOB LASUIBU 4:9

Pathian nih a thinthawknâk thlipi hâwi mi hen a veih na.

JOB LASUIBU 8:17

An ram tla nih lung a tuam le, lung kip lakah bir tak hen an zâm.

SAM 58:9

An theih manh lan karah bua an thlawh mi hâwi hen um na sele, Pathian thinthawknâk nih an dam liauah ranh ving na seh.

SAM 83:13

Pathian, valeidip hâwi hen zuangtir phin na le, fapawn thli nih a ranh phin mi hâwi hen.

THUFING LASUIBU 1:27

Thlipi hâwi hen na lakah a hawng tlung lai le, lawksawngnâk thli ṭihnungkâi tak a hawng put lai le, chu tikah, nang chu nganfâk tuar hen na lawksawng lai rawh.

ISAI 11:4

mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 17:11

Sikhawmsele na phun mi chu zîngleiah an hawng chawrh hen an pâr le, chu khawm ah zeikhawm kawih ding a um dah lai lo. Lawksawngnâk leh dam kho lo mi nganfâk cho asi lai.

ISAI 17:13

Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 37:7

LALPA nih lal lianchem chu a ram leiah kîr ding hen thunawk a theihtir lai le, chunah chun LALPA nih amah chu a thah lai,” a ti.

ISAI 40:7

LALPA nih anmah sêm ding hen thli a hawng lêngtir le, belh chu a uai le, chawmpâr chu a chuai. Minung tla khawm belh ngâk hen an tlo lêm lo.

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 41:2

“Saklei thawk hen nehtu hawng hen, a kalnâk kip ah neh vimatu chu âu me si? Lalchem tla leh phun tla nehnâk âunih me a pêk? A nâmsâu nih valeidip hâwi hen a mân na. A chanhtiang zum tla nih fapawn thli nih a ranh mi hâwi hen a rektir hep na.

JEREMIA 22:30

“Hi minung hi a fa tla thlâu na ding leh a mun luahtu umlo rawh ding hen mawhtir asi. David mun luahtu ding ah Juda ram lâirêltu ding hen thlâk a nei lai lo. Kei, LALPA nih ka sim asi,” a ti.

JEREMIA 23:19

A thinrunhnâk thlipi leh ruahpi chu misual le lû tlûnah a hawng râng lai,

HOSEA 13:15

Israel tla chu belh hâwi hen ningno khawmsele ramkaro lei thawk hen thli lum ka hawngtir lai le, an tinungva leh an tikhurchawh tla a kang hep lai. Thilsung zawzawng a lâk hep lai.

HOSEA 13:3

Churuangah hi bang minung tla hi zînglei ah mi dâmtî a vei ving mi hâwi an si lai. Fâng khâwngnâk ah fapawn thli nih a ranh mi hâwi leh palang lakah mi meikhû a suak mi hâwi an si lai.

NAHUM 1:14

Hi hi LALPA nih Asiria mi tla lakah a thusuah chu asi: “An min thâwn vima ding hen thlâk an nei lo rawh, an biakin ah milem an pathian tla ka veih awt. Asiria mi tla chu lung ding hen an tlâklo, an rangah thlân ka timhtuah rawh,” a ti.

HAGAI LASUIBU 1:9

“Tamtak zûn ding nan lungum le, sikhawmsele tâwmtê cho nan tawng. Nan ât mi chu in ah nan tlunh rawh chun keimah nih ka sêm ving. Chu chu zei rangah ka ti? Ka Biakin râwk dep hen a um liauah mikip mah in leiah an rianṭuan ah anna nawk ver ruangah asi.

ZEKARIA 7:14

Thlipi hâwi hen ramdang ah um ding hen ka sêm phin na. Hi ram ṭha tak hi a luahtu pakhat khawm umlo hen mâk hen a um.

ZEKARIA 9:14

LALPA chu a mi le tla tlûnah a hawng a langh lai le, mîmthlalek hâwi hen a thalzum tla chu a kah lai. LALPA Zahkâi nih tâwtawrâwt a tum lai le, simlei thawk hen thlipi lakah a kal lai.