ISAI 40:2 - Bawm Common Language Bible Version

² Jerusalem mi tla chu fawrh na u. An tuar khawm a sâwt tâwk rawh, tu chun an sual khawm ngaihdam asi rawh ti simh na u. An sualnâk ruangah tling zat hen ka rep na rawh,” a ti.

ISAI 40:2 ပူးပေါင်းရင်းမြစ်များ

GENESIS 34:3

Churawhchun, chu nunau chu thungâi a mêldî le, a nunau nih duh ding ko hen â ṭang.

2 CHRONICLES 30:22

Hezekiah nih LALPA sawnhnâk an timhtuah mi ruangah Levi tla chu thungâi a sawr na. An thlâktu LALPA an Pathian sinah bâwlnâk tla ni sarih kar an ap nûn chun,

SAM 32:1

A sualnâk ngaihdam a um mi leh a diklonâk ngaihdam hen a um mi chu a lâwptlo.

SAM 85:3

An lakah na thinthawknâk chu na lêt le; na thinrunhnâk fâk tak chu na nâwp.

THUSIMTU 3:4

Ngaihsiat tik leh lâwm tik a ruat. Lungfâk tik leh lâm tik khawm a ruat.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 14:3

LALPA nih chun Israel mi tla chu an nganfâk leh tuarnâk leh zângran ko hen rian fâk tak an ṭuantir na nâk lakah mi chu a âwltir na lai rawh.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

ISAI 33:24

Kan ram lakah um mi minung âukhawm damlo ruangah chipchiarnâk an nei lai lo le, sualnâk zawzawng chu ngaihdam asi lai rawh.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 43:25

Sikhawmsele na sual ngaihdamtu Pathian kasi, keimah kasi ruangah chu chu ka ti asi. Na lakah sual chu ka theihkumza lai loh.

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 49:25

LALPA nih, “Chubang tla chu a hawng um ding rêng asi. Kawrsen nih an tleih mi tla chu suh ving asi lai le misual tla nih thil an lâk mi tla chu tleih piak asi lai. Nangmah an dotu chu ka do lai le, na fa tla chu ka hum na lai.

ISAI 51:17

Jerusalem, thawk rawh! A ṭhang le, thawk rawh! LALPA nih a thinthawknâk rêpnâk hâi a nan pêk mi chu na din rawh; Na din hep le, a nan hâwrtir.

ISAI 53:5

Sikhawmsele, kan sualnâk ruangah liamh hen a um le, kan thilsual ti ruangah vuak hen a um. Rêpnâk a tuar mi hen hawng kan damtir le, vuak a tuar mi hen hawng kan damtir ver.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

ISAI 54:15

Âutal nih a nan do chun, keimah thu lo hen dotu asi; Âuzawng a nan dotu chu an tlû lai.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 6:7

Chu meiṭil hen ka mûr chu a hawng tawngh le, “Hi hen na mûr chu tawngh asi rawh le, tu chun na mawhnâk a um lo rawh, na sualnâk ngaihdam asi rawh,” a ti.

ISAI 61:7

Nan mualphonâk leh ningzaknâk a dawng rawh. Nanmah ram takah nan um lai le, Nan neih chu a leh khat hen a pung lai le, Nan a lâwmnâk chu zungzâl tiang asi lai.

ISAI 66:13

Nu nih a fa thla a ngamh mi hâwi hen Jerusalem ah thla kan ngamh na lai.

JEREMIA 16:18

Ka ram chu ruak hâwi hen a nung lo mi milem hen an nâwmtir hen an pathian diklo tla hen an khattir ruangah an ṭhatlonâk leh an sual man chu a lehnih hen ka pêk na awt,” a ti.

JEREMIA 17:18

Hawng ka nehsawhtu chu ningzak saih na le, LALPA, kei lam chu hawng ka zuah rawh. Annih chu ningṭih hen khattir na le, sikhawmsele kei lam chu hawng ka lâutir lah. An lakah siatnâk tlungtir le, sâm dip na.

JEREMIA 29:11

Nan rangah ka thiltum tla siat leh râwknâk um lo hen sul-le-lam tluang tak hen kalpi kan tum na mi leh mâilei ah nan lungum mi thu lakah an kalpi na ding ka tum mi thu chu keimah cho nih ka theih.

JEREMIA 51:10

LALPA nih, “Ka mi tla chu, ‘LALPA nih kan dik zia a langhtir. Kan kal lai le, LALPA kan Pathian nih thil a ti mi chu Jerusalem mi tla kan simh na lai, ti hen âu u,’ ” a ti.

LUNGFÂKNÂK 4:22

Zion chu a sual man pêk asi rawh; LALPA nih sal ah hawng kan tângtir lai lo rawh. Sikhawmsele Edom, LALPA nih a nan rêp lai le, na sualnâk chu a langh lai.

EZEKIEL 16:42

Churawhchun, ka thinthawknâk chu â lîm lai le, ka dâisip lai rawh. Ka thinthawk hen thîknâk ka nei lai lo rawh.

DANIAL 11:35

Ruitu fing zeimaw mi thah hen an um lai le, sikhawmsele chu zârah mi tla rang chun thiangnâk lam asi lai. Pathian nih hun a ruat mi a dawng lânlo chu, chu chu a um vima lai.

DANIAL 12:4

Anih nih chun ka sinah, “Tuah, Danial, lasuibu kha zual le, laikulh dawngh tiang hen singsiahnâk siam. Chu liau chir chun mi tam tak nih thil hawng um mi theih ding hen anna ṭang lai le, sikhawmsele anna ṭangnâk chu a thawt asi lai,” a ti.

DANIAL 12:9

Anih nih hawng ka sâng le, “Danial, hi thu tla a thuptê hen kil hen, laikulh dawnghnâk a hawng tlung lânlo chu thuh thlir ding asi ruangah tu chun kal ko rih.

DANIAL 9:12

Kanmah leh kan lâirêltu tla sinah ti ding hen na sim mi chu na ti tâwn. Mosi dân lakah rêpnâk zawzawng rîn hen a um mi tla chu khua dang tla ngâk hen Jerusalem ah mi na rêpnâk a fâk dauh, sikhawmsele

DANIAL 9:2

A lal kum a kum khatnâk ah khuavâng Jeremia rangah LALPA nih a simh mi hâwi hen kum sâwmsarih ah Jerusalem a râwk ding mi thu lasuibu ah mi chu ka rêl.

HOSEA 2:14

Churuangah, ramkaro ah ka kalpi nawlh na lai le, chunahchun dâwtnâk thu hen amah chu ka neh lai rawh.

HOSEA 2:16

Churawhchun, ka pasal hawng ka ti nawlh lai rawh le, a Baal hâwi hen hawng ka ruat lai lo rawh.

HABAKUK 2:3

Chu rîn mi chu a hun tak a tlung lo rih ruangah siah ziar. Sikhawmsele a tik chu khulrang hen a hawng tlung lai. Tlâi dauh khawm asi kho, ngâk ko rih le; a hawng um ngelchel lai, a tlâi tuk lai lo.

ZEPHANIAH 3:15

LALPA nih an rêp na mi a dawngtir rawh, nan mêlma tla khawm a kiangtir ver rawh. LALPA, Israel Pathian chu nan sinah a um le, tu chun zeikhawm ṭih ding a um lo rawh.

ZEKARIA 1:13

LALPA nih vânmifial chu thlangamhnâk thu hen a sâng le,

ZEKARIA 1:15

Phun tla anna lâwm mi leh thlangam tak hen an um mi thungâi ka ro a thawk. Ka mi le tla, phundang tla nih ṭhalo tak hen an tuartir na liauah ka mi tla tlûnah ka thinthawknâk chu ka sûm râm.

ZEKARIA 9:12

Nannih saltâng, tuah lungumnâk neitu tla, nan mun ah him tak hen hawng kîr u. Nan tuar mi ruangrûl ah a lehnih ngâk a tam malsâwmnâk kan pêk na ding mi tuah kan simh na lai.

THILTI 1:7

Chun, Jisu nih chun an sinah, “Pa nih a tik leh a ni amah thu thu a um hen a ruat mi chu nannih theih ding asi lo.

GALATIA 4:4

sikhawmsele, a tik a hawng tling rawh chun, fa sinâk kan tawng khonâk ding hen Dân tangah um tla chu tlanh ding hen Pathian nih a Fapa, nunau ring mi, Dân tangah hawng suak hen a fial rawh.

THUPHUANG 18:6

Amah nih a nan ti na mi hâwi hen va tirûl bâk u, amah thilti lehnih hen rulh bâk u. A nan dintir na mi lehnih ngâk a chak hen, a hâi lakah tleng piak bâk u.