ISAI 40:12 - Bawm Common Language Bible Version

¹² Âunih tisumsumriat kutza kuar hen tah kho lai? Mawh âunih vân khi a kut hen tah kho lai? Âunih hâi lakah tual put kho hen mawh tlâng sâng leh tlâng tla khîng lakah khingh kho lai?

ISAI 40:12 ပူးပေါင်းရင်းမြစ်များ

JOB LASUIBU 28:25

Pathian nih thli thiltikhonâk a pêk liauah leh tipi kauh a tah liauah;

THUFING LASUIBU 30:4

Vân lei thu theihnâk âunih a nei? Âunih a kut hen thli tleih kho? Âunih puan tliar hen tî fûn kho? Âunih ramri tla siam kho? Na theih mi asi chun, âu asi ne? A fapa chu âu me si?

ISAI 48:13

Ka kut hen tual lungphûm ka siam le, vân ka pharh. Tual leh vân ka kawh na liauah rang tak hen an hawng le, ka sinah anna pêk.

JEREMIA 31:37

Vân chu ni khat ah tah kho asi hen, tual lungphûm chu zauhfiang asi tik cho ah an thilti zawzawng ruangah Israel mi tla chu nawng an si lai LALPA nih a sim asi.

AMOS 4:13

Pathian chu tlâng tla leh thli siamtu asi. A thinlung tum chu minung rang a theihtir le, sûn chu zân ah a changtir. Tual mun sâng tlûnah a kâi. Hi hi a min chu: LALPA Pathian, Zeizawng tikho chu asi!

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.