ISAI 40:11 - Bawm Common Language Bible Version

¹¹ A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ISAI 40:11 ပူးပေါင်းရင်းမြစ်များ

GENESIS 33:13

Jakob nih a sâng le, “Ngâksia tla hi an chak lo zia leh dawrâ leh ranrual leh an fa tla kilkâwi an herh zia khawm na theih ko; tâwm khulrang hen kan khalh na asi chun ni khat ko khawm an thi ver lai.

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

SAM 100:3

LALPA chu Pathian asi ti philh râlmâl lah u. Hawng kan siam le, amah tâ kan si. A mi tla kan si, a ranrual kan si.

SAM 27:10

Ka nu leh ka pa lam nih chun an ka kaltâk kha, khawmsele LALPA lam nih chun hawng ka kilkâwi lai.

SAM 28:9

LALPA na mi le tla chu ruangsuah na le, na tâ tla chu malsâwm na. An rangah dawrâ vêngtu si le, zungzâl hen vêng na.

SAM 37:3

LALPA lakah a ngauh le, thil ṭha ti rawh; ram ah chun um le, him rawh.

SAM 80:1

Israel Dawrâ vêngtu, hawng kan ngâi, nangmah ranrual vêngtu, hawng kan theih rawh. Thilnung tla thla tlûnlei ah na laltophah tlûnah to le,

ISAI 42:3

Lâiluang a pâwk mi chu a thlawngh lai lo, meichêu a mit didem mi khawm a mih lai lo. Mikip sinah lâirêlnâk dik um kumza ding mi a tlungtir lai.

ISAI 63:11

Sikhawmsele a lânah Mosi, LALPA to-aw dam liau an theihkumza le, thu an deih, “Tuah a mi ruitu tla tipi lakah mi ruangsuahtu LALPA kha zeiah a um? Mosi sinah a thlarau pêktu LALPA kha zeiah a um?” ti hen.

JEREMIA 31:10

LALPA nih, “Phun tla, ka thu ngâi u, ka thu tla chu tiva kap lât takah va phuang u. Ka mi tla chu ka rektir phin na le, sikhawmsele ka pumh nawlh na lai le, dawrâpu nih a dawrâ rual a vêng na mi hâwi hen ka vêng na lai.

JEREMIA 31:8

Marlei thawk hen ka hawngpi na lai le, tual dawnghnâk ah mi chu ka pumh na lai. Mitchâw leh kekhêng tla, nunau a râi mi leh fa a ring awt mi tla anmah tla sinah an hawng bâk lai. Phun rokual tak an hawng si lai.

EZEKIEL 34:15

Keimah tak chu ka dawrâ vêngtu kasi lai le, dinhnâk mun ka hâwl piak na lai. Kei, LALPA Zahkâi nih ka sim asi.

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

EZEKIEL 34:2

Nannih Israel dawrâ vêngtu tla, nan vânduai rawh! Nanmah kawngkâ cho nan ruat le, sikhawmsele dawrâ nan zauhkhenh lo.

EZEKIEL 34:23

Ka to-âw David hâwi mi lalchem an dawrâpu rangah pakhat ka pêk na lai le, amah nih a zauhkhenh na lai.

EZEKIEL 34:31

“Nannih chu ka dawrâ tla, ka châwm mi dawrâ rual, ka minung tla nan si le, kei lam chu nan Pathian kasi,” LALPA Zahkâi nih a ti.

EZEKIEL 37:24

An lalchem chu ka to-aw lalchem David hâwi asi lai. Lâirêltu pakhat tangah an um ver lai le, ka dân tla zumhkâi tak hen an zûl ver lai.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

MIKAH 7:14

LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

ZEKARIA 11:7

Dawrâ tla châwktu leh zuartu nih an hawng ka mang le, thahnâk ah put ding mi dawrâ rual vêngtu ah ka chang ving. Ṭhianṭhunh panih ka lâk le, pakhat chu “Sunhsak mi” a dang pakhat chu “Thurualnâk” ka ti. Churawhchun, ranrual chu ka zauhkhenh.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.