ISAI 4:6 - Bawm Common Language Bible Version

⁶ A rokualnâk nih khuapi chu sûn nî linh lakah mi a dulh lai le, thli leh ruah lakah mun him leh dawrnâk ah a siam lai.

ISAI 4:6 ပူးပေါင်းရင်းမြစ်များ

SAM 27:5

Lawksawng ni ah chun a sinah hawng ka dawrtir lai. A Biakin ah chun him tak hen hawng ka kil lai le, lungpi sâng tak tlûnah him tak hen hawng ka siah lai.

SAM 55:8

Thlipi leh ruahpi lakah rang tak hen dawrnâk ka tawng lai.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

THUFING LASUIBU 18:10

LALPA chu kulh bir hâwi asi le, a sinah mirep tla chu an kal hen an him kho.

ISAI 14:32

Philistia ram thawk hen mifial a hawng mi chu zeitin kan sâng na lai? LALPA nih Zion chu a birhtir le, tuartu a mi le tla nih chun chunah chun himnâk an tawng lai ti hen kan simh na lai.

ISAI 25:4

Mipâm leh ṭangpitu nei lo chu na sinah an hawng tek le, lawksawng liauah him tak hen an um. Thli leh ruah lakah dawrnâk na pêk le, nî sâ lîn lakah mi chu dâidul ah na umtir na. Misual tla nih busik liauah thli leh ruah hâwi hen leh, ram châr lakah nikhua kheu hâwi hen an do.

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

ISAI 32:1

Zei tik ni mawh chun lalchem dik tak a lâirêltu leh phun ruitu tla lakah diknâk hen lâirêltu a hawng um lai.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 8:14

Ka thenhlimhnâk chê tak ruangah zapi tla tlûknâk lung hâwi kasi le, Juda lalram sungah mi leh Israel tla leh Jerusalem mi tla awhtu thang hâwi kasi.

EZEKIEL 11:16

“Tuah ka sim mi hi na hâwi saltâng tla simh na. Phun lât tak tla sinah a nan umtir natu leh ram dangah a nan rekrâwitir natu chu keimah kasi. Sikhawmsele, an kalnâk mun kip ah an um sung zawzawng an sinah ka um awt.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

THUPHUANG 7:16

An sung a vâng lai lo le, an tî khawm a hâl lai lo, nî nih a emh na lai lo le, a linhnâk khawm nih a hamhtir na lai lo.