ISAI 4:5 - Bawm Common Language Bible Version

⁵ Churawhchun, Zion Tlâng leh chunah anna pûm mi zawzawng tlûnah chun LALPA nih sûn nî tangah sûm leh zân ah meikhû leh meialh chêu tak a hawng fial lai. Chu khuapi chu Pathian rokualnâk nih a tuam hen a hum lai.

ISAI 4:5 ပူးပေါင်းရင်းမြစ်များ

NEHEMIAH 9:12

Sûn nî tangah sûm hen na rui na le, zân ah chun mei hen an lampi na cherh piak na.

SAM 105:39

Pathian nih a mi le tla tlûnah sûm a umtir le, anmah cherhtu rangah zân ah mei a pêk na.

SAM 111:1

LALPA chu sawr u! A mi tla pumhnâk ah ka thinlung zawzawng hen LALPA sinah lâwmthu ka sim lai.

SAM 78:14

Sûn ah chun sûm hen a rui na le, zân ah chun khuadei ver hen meichêu hen a rui na.

SAM 85:9

Amah zahtu tla chu hum ding hen â tîm kumza, kan ram ah hin ruangsuah ding hen hawng kan umpi kumza lai.

SAM 89:7

Mi thenhlimh lâirêlnâk ah chun zah na kâi le; nangmah zah hen an ektê hen an dîr.

EXODUS 14:24

Khuadei bâiah LALPA nih sûm leh mei thawk hen Aigupta kawrsen tla chu a chuanh na le, an thinlung a lâutir na rawh.

EXODUS 24:16

Mit ser rê mi chêu LALPA mâika mi chu tlâng tlûnah a hawng ṭum rawh. Israel mi tla mitmuh ah tlâng tlûnah mei a kâng mi chêu hâwi asi. Ni ruk kar chu tlâng chu sûm nih a khuh pang, a ni sarih ni ah chun LALPA nih Mosi chu sûm thawk hen a kawh.

EXODUS 26:1

“Ka umnâk Puanin sunglei kâng chu puan mangṭhia, dumpâwl, senduk, samul lasen hen tah mi parâ hen siam. Thilsiam tla thla lem hen na thuamh ding asi.

EXODUS 26:7

“Chu Puanin khuhnâk ding hen kêl mul puan leikhat siam.

ISAI 32:18

Pathian mi tla chu lawksawngnâk an nei lai lo rawh le, an in tla him tak hen leh thlangam hen a um lai rawh.

ISAI 33:20

Kan phung kûtnâk Zion khuapi chu zauhnik. Jerusalem chu zauhnik! A sungah him tak hen umnâk mun ding tak asi a! Puanin ṭhial dahlo mi leh a rêngnâk tung phâwi dahlo mi leh a thuamhnâk khawm siat dahlo mi hâwi asi lai.

ISAI 37:35

Hi khuapi hi keimah zahnâk ding leh ka to-aw David sinah thu ka tiamh mi ruangah ka vêng hen ka hum awt asi,” a ti.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 60:1

Jerusalem thawk le, nî hâwi hen chêu rawh; LALPA rokualnâk na tlûnah a chêu!

ISAI 60:2

Phundang tla chu mûi nih a khuh pang lai le, Sikhawmsele nang tlûnah lam chun LALPA chêu a chêu lai le; A nan umpinâk chêu chu na sinah a um lai.

MATHAI 18:20

Minung panih mawh pathum mawh ka min hen anna pûmnâk zawng ah an lakah ka um tâwn,” a ti.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.