ISAI 4:4 - Bawm Common Language Bible Version

⁴ LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

ISAI 4:4 ပူးပေါင်းရင်းမြစ်များ

SAM 51:2

Ka diklonâk zawzawng ṭâwl le, ka sual lakah mi hawng ka thiangtir!

LA TLA LA 3:11

Zion nunau tla, hawng ule, Lalchem Solomon chu zauh u. A nupi neih ni ah a lâwm hen a lâwptlo ni ah a nu nih â khuh mi lailukhuh â khuh. Mipa nih

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 1:25

Na lakah thil ka ti awt. Thîr an tliangtir mi hâwi hen ka nan thiangtir lai le, na nawmhnâk zawzawng chu ka lawnh phin lai.

ISAI 1:31

Meichi nih fapawn a khangh mi hâwi hen mi thiltikho tla chu an thilsual ti nih a veih na lai le, chu siat leh râwknâk chu âukhawm nih an khap kho lai loh.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

ISAI 28:6

Lâirêltu tla sinah chun dik tak hen theihnâk a pêk na lai le, dotu tla lakah khuapi kulh kawtkâ vêngtu tla chu râlṭhatnâk a pêk na lai.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

ISAI 9:5

Rûntu kawrsen pheikawk tla leh an thisen buaih mi nipuan tla chu mei nih a khangh hep lai.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

EZEKIEL 22:15

Na mi tla chu ram kip ah leh phun lakah ka rekrâwitir na lai le, nan thilsual ti ka dawngtir lai rawh.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

EZEKIEL 36:29

An nawmh natu thil zeizawng lakah mi ka nan hum na lai. Fâng tla chu tam tak rah ding hen thu ka pêk lai le, pâm rerêng nan theih lai lo rawh.

ZEPHANIAH 3:1

Jerusalem râwk hen um mi, mah minung tla nehsawhtu khuapi chu a vânduai rawh.

ZEKARIA 13:1

LALPA Zeizawng tikho nih, “Chu tikah chun, David thlâk leh Jerusalem a mi chu an sualnâk leh milem an sawnhnâk tlenh ding hen tinungva ka suaktir awt.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.