ISAI 4:3 - Bawm Common Language Bible Version

³ Jerusalem ah a thibang an um mi tla LALPA nih a thîm na mi chu, thenhlimh an ti na lai.

ISAI 4:3 ပူးပေါင်းရင်းမြစ်များ

SAM 69:28

Nungnâk bu ah mi an min chu râwk hen um seh, na mi le rînnâk bu ah telh an silonâk ding hen.

SAM 87:6

LALPA nih mi zapi tla singsiahnâk chu a rîn lai le, Jerusalem khuapi lakah um mi tla lakah a telh na lai.

ISAI 1:27

LALPA chu mirep asi ruangah Jerusalem leh chunah mikip sual rim rawh mi tla chu a hum na lai.

ISAI 28:5

LALPA Zeizawng tikho chu chawmpâr lallukhuh rokual tak hâwi hen a mi le tla thibang rangah a hawng kalnâk ni chu a nâi rawh.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 46:3

“Nannih Jakob thlâk ka mi tla lakah a thibang zawzawng tla, ka thu ngâi u. Na suak liau thawk hen ka nan kilkâwi.

ISAI 52:1

Jerusalem, chak tak leh rokual tak hen um nawlh rawh! Pathian khuapi thenhlimh, rokualnâk hen a thuam rawh! Lunglo tla chu na khua kulh sungah an lût lai lo rawh.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

EZEKIEL 13:9

nannih muhnâk diklo muhtu leh kal sual ding hen simkannâk diklo mangtu khuavâng tla, ka nan rêp na awt. Thu thlûk ding hen ka mi tla ka pumh na nâkah nanna tel lai lo; Israel mi rînnâk lakah nan min khawm telh asi lai lo; nan ram ah khawm nan kîr nawlh lai lo. Chu tikah kei, LALPA Zahkâi kasi ti nan theih lai.

EZEKIEL 43:12

Hi hi Biakin dân tla chu asi: Tlâng sâng tlûn kiangkam zawzawng chu mun thenhlimh hep asi,” a ti.

JOEL 3:17

Churawhchun, Israel, na Pathian kasi zia na hawng ka theih lai rawh. Ka tlâng thenhlimh ah ka um lai le, Jerusalem chu khuapi thenhlimh asi lai. Ramdang mi tla nih an neh na lai lo rawh.

OBADIAH 1:17

“Zion ah chun mi zeimaw mi an him lai le, tlâng thenhlimh asi lai. Ting dân asi hâwi hen Jakob mi tla nih anna ting lai.

ZEKARIA 14:2

Jerusalem do ding hen phun zawzawng LALPA nih a pumh na lai. Khuapi chu lâk hen a um lai le, in tla an rawk lai le, nunau tla an tleihrêm na lai. Mi khingkhuai chu sal ah put hen an um lai le, a dang lam chu khuapi mi kalpi an si lai lo.

MALAKI 3:16

Churawhchun, LALPA ṭihtu tla chu thu anna ruah le, LALPA nih an thusim chu a ngâi le, a theih rawh. Amah ṭihtu leh zahtu tla thilti rînnâk chu LALPA mâika ah lasuibu lakah rîn hen a um.

LUK 10:20

Sikhawmsele, khuri tla nan thu thu hen an um ruangah a lâwm lah u; vân ah nan min rîn asi ruangah a lâwm dauh u,” a ti.

THILTI 13:48

Chun, Phundang tla nih chun chubang thu chu an theih hen anna lâwm le, Pathian thu an chawnglawmh. Chun, zungzâl nung ding a ruat mi vial chu an lung rawh.

ROM 11:4

Sikhawmsele, Pathian nih zeitin me a sâng? “Baal mâika ah siksidîr dahlo mi sâng sarih keimah rangah ka zuah ko asi,” ti hen a sâng.

ROM 11:5

Chu hâwi ber hen, tuliau khawm ah, zângfahnâk ruangah Pathian nih a thîm na mi tâwm an um.

EPHESI 1:4

zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

PHILIPI 4:3

Asi, nang khawm ka liangbat bahpitu tatak, ka nan sâwm bâk, kha nunau tla kha ṭangpi rawh. Thâwngthâng Ṭha ah chun hawng ka ṭuanpi tâwn le, Klemen hen, ka ṭuanpi midang nungnâk bu ah min chuang tla hen khan.

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

HEBRAI 12:14

Mi zawzawng hen remnâk leh thenhlimhnâk nei ding hen a ṭang u, chubang thenhlimhnâk lo hen âukhawm nih Lalpa an muh lai loh.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.