ISAI 4:2 - Bawm Common Language Bible Version

² LALPA nih thil phun tla ram lakah tam tak a kho hen dawh tak hen a siam ni ding a hawng tlung awt. Israel mi a thibang tla chu ram lakah an chîng mi thlâi an tawng mi lakah anna lâwm lai le, an rinhsan lai.

ISAI 4:2 ပူးပေါင်းရင်းမြစ်များ

SAM 67:6

Ram nih fângzûn ding a suah; Pathian, kan Pathian nih mal hawng kan sâwm.

SAM 72:16

Ram ah chun fâng tam tak um seh; Lebanon tlâng ah a rah duh hâwi hen tlâng tla chu rah hen khat seh. Phâi belh hen a khat mi hâwi hen khuapi chu minung hen khat seh.

EXODUS 28:2

Na unaupa Aron rangah bâwlpu thuam siam le, rokualtirtu leh dawhtirtu rang ding ah pêk.

ISAI 11:4

mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 26:1

Juda ram ah mi zapi tla nih hi la hi an sak ni ding a tlung awt rawh: Kan khuapi chu a bir! Pathian amah tak nih kulh chu a vêng!

ISAI 27:6

Ni a hawng tlung ding mi lakah Jakob thlâk Israel mi tla nih thing hâwi hen ram an thlâk lai le, a pâr a ên hen a kukulul a tuah lai. An rah suah nih tual a khattir lai.

ISAI 30:23

Zeiliau khawm ah nan thlâi chî tuh lakah LALPA nih kho ding hen ruah a sûrtir lai le, fângzûn liauah neih leh siahnâk an pêk na lai le, nan ranrual tla khawm nih ram nah ningno tam tak an nei lai.

ISAI 45:8

Vân thawk hen nehnâk chu ruah hâwi hen ka hawng fial lai le, ting ding hen tual chu â awng lai le, diknâk leh thawsuaknâk hen ka êntir lai. Kei, LALPA nih hi bang hi ka tlungtir awt,” a ti.

ISAI 53:2

Thil phun tual châr lakah a ram a thlâk mi hâwi hen a to-aw ṭhang ding mi chu LALPA duhzia asi. Amah kan theih khonâk ding hen rokualnâk leh dawhnâk khawm a nei lo. Amah lakah duhrim a kâinâk khawm a um lo le amah lakah va a bek ding hen duh san ding zeikhawm a um lo.

ISAI 60:15

“Kaltâk leh huat hen um mi, khuapi râwk leh a karo hen Um mi na si lai lo rawh. Zungzâl hen lâwmnâk mun, rokual tak leh dawh tak hen ka nan siam lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:11

A chî a keuh hen a hawng ṭhang tatak rawh chun, LALPA Zahkâi nih a mi tla ruang a suah na lai le, Phun zawzawng nih amah an sawr lai rawh.

JEREMIA 23:5

LALPA nih, “David thlâk rep tak lakah mi lalchem ka thîm ding mi tik chu a tlung rawh. Chu lal nih chun fing tak hen lâi a rêl lai le, dik tak leh rep tak hen ram pumpi ah thil a ti lai.

JEREMIA 33:15

Chu tik chun David thlâk rep tak chu lalchem ah ka thîm lai. Chu lal nih chun ram pumpi ah thil dik leh rep tak a ti lai.

JEREMIA 44:14

Juda mi tla um rih mi, Aigupta ram ah va um ding hen kaltu tla chu pakhat khawm an âwl hen an suak lai lo. Chunah um nawlh ding hen duhtu tla chu pakhat khawm Juda ram ah an hawng kîr lai lo. A tek mi tâwmtê tla cho lo chu âukhawm an kîr lai lo,” a ti.

JEREMIA 44:28

Sikhawmsele nan lakah mi tâwmtê thi lo mi chu Aigupta ram ah mi chu Juda ram ah nan kîr lai. Churawhchun, a thibang tla nih keimah thu ma a dik anmah thu ma, âu thu a dik an theih lai.

EZEKIEL 34:29

Phâisen ningno ṭha tak ka pêk na lai le, ram lakah sungvângnâk ka rehtir lai rawh. Phundang tla nih an nihsanh na lai lo rawh.

EZEKIEL 36:8

Sikhawmsele, Israel tlâng sâng tla tlûnah thing tla chu a nah a chawrh lai le, ka mi Israel rangah rah an suah lai. Tam sâwtlo hen in leiah nan hawng tlung lai rawh.

EZEKIEL 7:16

A zeimaw mi chu tivakuam ah mi vaṭhu tla an lâu mi hâwi hen tlâng leiah an tek lai. An ektê hen anmah sual ruangah an rûm lai.

JOEL 2:32

“Jerusalem ah mi zeimaw mi tla, keimah nih ka thîm na mi tla chu an âwl lai,’ ” ti hen LALPA nih a sim mi hâwi hen.

JOEL 3:18

Chu tikah chun tlâng sâng tla chu grep zûn nih a khuh lai le, tlâng kip ah ranrual tla muh asi lai. Juda ram zawzawngah tî tam tak a um lai. Tiva chu LALPA Biakin thawk hen a hawng luang lai le, Akasia tivakuam tla ah a luang lai.

OBADIAH 1:17

“Zion ah chun mi zeimaw mi an him lai le, tlâng thenhlimh asi lai. Ting dân asi hâwi hen Jakob mi tla nih anna ting lai.

ZEKARIA 3:8

Nang Bâwlpu Lian Josua ngâi rawh, a hâwi bâwlpu tla, mâilei ṭhatnâk ding hen ruat mi tla ngâi u: Ka to-aw ṭeng ti hen min sak mi chu ka hawng langh awt!

ZEKARIA 6:12

LALPA, Zeizawng tikho nih a sim mi thu simh rawh: Ṭeng ti hen min sak mi chu a mun ah a hawng ṭhang lai le, LALPA Biakin a dirh nawlh lai.

ZEKARIA 9:17

Chu ram chu â dawh hen a ṭha awt chiam e! Seino tla chu an fâng leh an uain tla chenh hen chak tak hen an ṭhang lai.

MALAKI 3:17

LALPA Zeizawng tikho nih, “Ka mi tla an si lai, thil ka ti ni ah chun ka tâ tak an si lai, pa nih a rianṭuantu a fapa tlûnah khua a ruat mi hâwi hen an tlûnah khua ka ruat lai.

MATHAI 24:22

Chun, chu ni tla chu tâwitir lah sele, minung rerêng dam hen an suak lai lo. Sikhawmsele, thîm tla ruangah chun chubang ni tla chu tâwitir asi lai.

LUK 21:36

A ringrâwn u, Minung Fapa mâika ah nan dîr khonâk ding hen leh thil hawng tlung ding mi tla zawzawngah him ding leh chaknâk nan nei khonâk ding hen thlacham u,” a ti.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

2 PETER 1:16

Kan Lalpa Jisu Krist thiltikho zia leh a hawng kalnâk thu kan theihtir na liau khan thiamthu fing tla zâwttu kan si lo le, a rokualnâk muhtu tla kan si dauh.