ISAI 39:8 - Bawm Common Language Bible Version

⁸ Lalchem Hezekiah nih a damsung kar vial chu thlangamnâk a um awt ti a theih le, churawhchun a sâng le, “LALPA thawk hen thuchah na hawng ka put mi chu a ṭha asi,” a ti.

ISAI 39:8 ပူးပေါင်းရင်းမြစ်များ

2 SAMUEL 15:26

Sikhawmsele, a duhzia lo asi chun, a duhzia zawng ka tlûnah tlungtir ko seh,” a ti.

2 CHRONICLES 32:26

A nehnûn chun Hezekiah leh Jerusalem mi tla chu thinlung nâutak hen an um ruangah Hezekiah thih tiang hen rêpnâk an tlûnah a tlungtir lo.

2 CHRONICLES 34:28

Kei nih nan thlachamnâk ka theih hen Jerusalem tlûnah rêpnâk ka hawng tlungtir ding mi chu na thih tiang tlunglo hen a um lai le, thlangamtê hen ka nan thihtir lai,” a ti. Chu thuchah hen chun lalchem Josiah sinah an kîr rawh.

JOB LASUIBU 1:21

“Ka nu pawsung thawk hen takkaro hen ka hawng suak le, takkaro hen ka thi lai. LALPA nih hawng ka pêk le, tuah a lâk rawh. A min chu sawr hen um seh!” a ti.

SAM 39:9

Zei thu khawm ka sim awtlo, ka dâisip awt, hi hâwi hawng ka tuartirtu chu nangmah dangâi na si ah.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

LUNGFÂKNÂK 3:39

Kan sual ruangah rêp hen kan um liauah zei rangah kan chipchiar nget awt?

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

ZEKARIA 8:16

Hi bang hi nan ti ding mi thil chu asi: Thudik a simh tawnh u, thlangamnâk leikâng mi lâirêlnâk in ah thudik sim u.

ZEKARIA 8:19

“Thla linâk, thla nganâk, thla sarihnâk leh thla rânâk ah buh ngeinâk chu Juda mi tla rangah lâwmnâk puai leh lâwptlonâk puai a hawng si lai. Thudik leh lungngamnâk nan duh ding asi,” a ti.

1 PETER 5:6

Churuangah, a tik takah chun a nan chawnglawmh kho na ding hen Pathian kut chak tak tangah chun a nâutir u.

1 SAMUEL 3:18

Churawhchun, thil zawzawng a simh hep, zeitê khawm a pheh loh. Eli nih, “LALPA asi mi chu, ṭha hen a ruat mi zawng a ti lai ta a!” a ti.