ISAI 39:3 - Bawm Common Language Bible Version

³ Churawhchun, khuavâng Isai chu lalchem Hezekiah sinah a va kal le, “Hi bang minung tla hi zei thawk hen hawng me an si, zei thu me na sinah an sim?” ti hen a deih. Hezekiah nih a sâng le, “Ram lât tak Babulon thawk hen hawng mi an si,” a ti.

ISAI 39:3 ပူးပေါင်းရင်းမြစ်များ

2 SAMUEL 12:1

LALPA nih David sinah khuavâng Nathan a fial. Nathan chu a sinah a va kal le, a sinah, “Minung panih khua khat ah an um le, minung pakhat chu minei asi, pakhat chu mipâm asi.

2 CHRONICLES 16:7

Chu liau chun khuavâng Hanani chu lalchem Asa sinah a va kal le, a sinah, “LALPA na Pathian lakah ngauh ngâk hen Siria lal lakah na ngauh ruangah, Israel kawrsen tla chu nangmah kut lakah mi an suak hep rawh.

2 CHRONICLES 19:2

Hanani fapa khuavâng Jehu chu lal hen va tawng ding hen a kal le, a sinah, “Misual leh LALPA huatu murui tla ṭangpi leh bawp hi dik hen ma na theih? Na lakah Pathian thinrunhnâk ding hen thil na ti.

2 CHRONICLES 25:15

Chu nih LALPA thin a thawktir le, Amaziah sinah khuavâng a fial. Khuavâng nih a sinah, “Zei rangah na thiltikhonâk lakah mi an mi tla vêng kholotu ram dang pathian tla na sawnh zia?” a ti.

ISAI 38:1

Hi liauah hin lalchem Hezekiah chu thi dêng hen a damlo. Amoz fapa khuavâng Isai chu amah zauh ding hen a kal le, a sinah, “LALPA nih chun, na dam ding asi lo rawh ruangah thil zeizawng a sang sang hen na siah ding hen a nan simh. Thi ding hen a râlring rawh,” a ti.

ISAI 38:5

“Kei, LALPA a nan thlâktu David Pathian nih thla na cham mi ka theih hen na mitthli a tlâ mi ka muh; kum leinga tiang na san ka sâutir nawlh lai.

ISAI 39:4

“Lal in ah zei an muh?” ti hen a deih. Hezekiah nih, “Thil ka siahnâk mun lakah mi ka zauhtir na lo mi a um lo,” ti hen a sâng.

JEREMIA 4:16

Phun tla leh Jerusalem mi tla chu ram lât tak thawk hen mêlma tla an hawng kal ti simhkan ding hen an hawng. Chubang mêlma tla nih Juda khuapi tla chu an âu nawh na lai le,

JEREMIA 5:15

Israel mi tla, nangmah do ding hen LALPA nih ram lât tak a thawk hen phun a hawng put. A lânah mi phun chak tak, an hawlh na theih lo mi phun asi.

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

DEUTERONOMY 28:49

Tual dawngnâk ah mi phun an hawlh khawm nan theihlo mi LALPA nih nanmah do ding hen a hawng fial awt. Mupî â thlûr mi hâwi hen a nan nam na lai.

JOSUA 9:6

Gilgal an riakmun ah Josua leh Israel mi tla sinah, “Ram lât tak thawk hen hawng mi kan si, nanmah tla hen remnâk siam kan duh,” an ti.

JOSUA 9:9

Churawhchun, hi thu hi an simh, “Ram lât tak thawk hen hawng mi kan si Pu, LALPA na Pathian thâwngthâng kan theih ruangah hawng mi kan si. Aigupta ram ah a thilti tla kan theih le,