ISAI 39:2 - Bawm Common Language Bible Version

² Hezekiah nih chu mifial tla chu a lawmh na le, a neih tangka leh ngûn, thing rimthâw leh rimthâw tla, kawrsen thuamthil tla a muh na. A ram sungah thil zeikhawm a thilsiahnâk mun a zauhtir na lo mi a um lo.

ISAI 39:2 ပူးပေါင်းရင်းမြစ်များ

1 Lal 10:10

Lalchem Solomon rangah lâwmman a hawng put mi chu a pêk le, ngûn vial kilogramme sâng li leh rimthâw tam tak leh lungmantam tla a pêk. Rimthâw a pêk mi tam dân chu ni dangah a tawng tâwn mi ngâk hen a tam chem mi asi.

1 Lal 10:15

Sawlehtu tla nih an lâwk mi pêk mi, Arabia ram lal tla leh Israel hotu tla bial ah mi nih siah an pêk mi siarlo hen.

1 Lal 10:2

Amah chu minung tam tak nih an zûl le, rimthâw tla, lungmantam leh ngûn tla tam tak sangâwngsâu tla a puttir. Solomon hen an va a tawng rawh chun a thinlung ah a ruat mi deih ding mi zawng chu a deih rawh.

1 Lal 10:25

A hawngtu kip nih thilpêk tla, tangka, ngûn, kawrfual, râlthuam, rimthâw, rang tla leh sanatung tla an hawng pêk; chubang tla chu kum siar hâwi asi.

2 Lal 20:13

Hezekiah nih mifial tla chu a lawmh na le, a thil neih: tangka, ngûn, an rim thâwttirnâk leh sariak rimthâw leh a kawrsen râlthuam tla a zauhtir na. A ram sungah zei ram khawm a thil siahnâk a zauhtir lo mi a um lo.

2 CHRONICLES 32:25

Sikhawmsele Hezekiah chu LALPA sinah a rangah leh Juda leh Jerusalem ruangah a lâwmnâk zauhtir lo hen â zûm tuk ruangah tuarnâk a hawng um.

2 CHRONICLES 32:27

Hezekiah chu thungâi a nei le, mikip nih an zah. Thil siahnâk in kardang tla a siam le, chunah chun ngûn, tangka, lungsung, rimthâw, phaw tla leh thil dang sung tak tla a siah.

2 CHRONICLES 32:31

Babulon ram ruangrûl ah hawng kal mi nih thâwngthâng tla, thil um dahlo mi a deih le, Hezekiah chu amah thinlung niknâk ding hen Pathian nih a ngâichâng.

2 CHRONICLES 9:1

Seba lalnu nih Solomon a minthang zia a theih le, amah niknâk ah thu har tatak va deih ding hen Jerusalem ah khualtlâwng a va kal. A sinah mi cherkhet a put na le, rimthâw tla, ngûn tla, lungmantam tla, sangâwngsâu tla tam tak a phurhtir. Solomon hen anna tawng rawh chun thu har tak hen a ruat mi tla chu a deih.

2 CHRONICLES 9:9

Lâwmman a hawng put mi tla chu lalchem Solomon rangah a pêk; ngûn kilogramme sâng li ngâk a tam leh rimthâw leh lungmantam tam tak khawm. Lalnu nih Solomon rangah lâwmman a pêk mi hâwi rimthâw ngâk hen a ṭha mi rimthâw dâng a um lo rawh.

JOB LASUIBU 31:25

ka neih khawm ka zûm phah lo.

THUFING LASUIBU 4:23

Na thil dawn lakah a thiamthih le, na dawnnâk zia zia hen na nunchan chu a um lai.

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

2 KORIN 12:7

Chun, theihtirnâk tla chu thungâi a fâk ruangah ka sung-û tir tuk lonâk ding hen taksa ah ling hawng ka pêk asi. Setan mifial, kut nurnâk ah hawng ka mangtu ding mi chu; chu lo chun ka sung-û tir tuk lebang lai.

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.