ISAI 38:16 - Bawm Common Language Bible Version

¹⁶ LALPA, na rangah ka nung lai le, nangmah rang cho ah; Hawng ka damh le, hawng ka nunh rawh.

ISAI 38:16 ပူးပေါင်းရင်းမြစ်များ

SAM 119:25

Neh hen vâleidip ah ka tlû thlo; na thutiam hâwi hen hawng ka chaktir nawlh.

SAM 119:71

Rêp hen ka um mi kei rangah chun a ṭha, na dân thu zûl ding hen lungfiang a ka suah ruangah.

SAM 119:75

LALPA, na lâirêlnâk chu a rep ti ka theih le, zumh na kâi ruangah na ka rêp mi asi.

SAM 30:3

thlân ah ka kal ding mi na ka hum. A tanglei dawnghnâk ah ka um rawh mi chu ka nungnâk na zuah nawlh.

SAM 39:13

Um lo hen tlâu ving ka kal lânah, lâwmnâk zeimawh ka nei kho ding hen keimah lâwng hawng ka mâk.

SAM 71:20

Ka tlûnah tuarnâk leh nawknâk na hawng tlungtir le, sikhawmsele, chaknâk na ka pêk lai le, thlân lakah mi chu na ka hum lai.

ISAI 64:5

Thil dik ti hen lâwmnâk hâwltu leh nangmah duh dân hen um ding theihkumzatu tla chu na lawmh na. Kan lakah na thinthawk le, sikhawmsele kan sual vima rih; a lân thawk hen na thinthawknâk fâk tak na suah khawm ah thil diklo kan ti nget rih.

MATHAI 4:4

Sikhawmsele, anih nih chun, “Minung hi sang cho hen an nung lai lo le, Pathian kâ thu kip suak hen an nung dauh lai, ti rîn asi,” ti hen a sâng.

1 KORIN 11:32

lâirêl piak hen kan um khawm ah laikulh hen mawhphurh a kan um lonâk ding hen Lalpa nunsimh hen kan um tâwn asi.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

DEUTERONOMY 8:3

Sungvâng tak hen a nan siam na le, churawhchun manna ei ding a nan pêk na, an thlâk natu tla nih a lânah an ei dahlo mi buh chu. Hi hi mi nih sang lak cho ah a ngauh lo hen, sikhawmsele thil zeizawng LALPA nih a sim mi lakah a ngauh ding hen a nan sîntir na mi asi.

HEBRAI 12:9

Taksa leiah pa tla nih nun hawng kan simh le, chubang tla chu kan zah na; chu ngâk fâk dauh hen, kan nungnâk ding hen thlarau lei Pa thu thu hen kan um awtlo ma?