ISAI 38:1 - Bawm Common Language Bible Version

¹ Hi liauah hin lalchem Hezekiah chu thi dêng hen a damlo. Amoz fapa khuavâng Isai chu amah zauh ding hen a kal le, a sinah, “LALPA nih chun, na dam ding asi lo rawh ruangah thil zeizawng a sang sang hen na siah ding hen a nan simh. Thi ding hen a râlring rawh,” a ti.

ISAI 38:1 ပူးပေါင်းရင်းမြစ်များ

2 SAMUEL 12:22

David nih a sâng le, “Asi ngâk, ngâksia a dam liau chun buh khawm ka ei lo, ṭap khawm ka ṭap. LALPA nih hawng ka zângfah lai le, a damtir kekkawk lai mawh ka ti ruangah.

2 SAMUEL 17:23

Ahithophel nih a krai a pêk mi an zûl lo ti a theih rawh chun, a sanatung a timhtuah le, amah khua leiah a kîr rawh. A thilti ding a ti thluh rawh chun â âwk le, a dâwngsung le thlân ah an vûi rawh.

2 CHRONICLES 32:24

Chu liau chun Hezekiah chu thi viviar hen a damlo. LALPA sinah thla a cham le, a dam nawlhnâk ding mi theihtirnâk a pêk.

THUSIMTU 9:10

Na thilti zeizawng lakah hamh tak hen ṭuan rawh, hi laikulh thihnâk ah chun, thilti, thinlung dawn, theihhâk tla, finghnâk a um awtlo rawh ruangah; chunah chun nang khawm kal ding mi na si.

ISAI 1:1

Hi lasuibu lakah hin, Uziah, Jotham, Ahaz leh Hezekiah Juda lalchem an si liauah Amoz fapa Isai sinah Pathian nih Juda tla leh Jerusalem thu a sim mi rîn asi.

ISAI 37:2

Eliakim lal in ah mi hotu, Sebna, lâirêlnâk in ah lasuirîntu leh bâwlpu theihthiam dauh mi tla chu Amoz fapa Isai sinah a fial na. Annih khawm nih salâpuan anna aih bâk.

ISAI 37:21

Chun Isai nih lalchem Hezekiah thlachamnâk sângnâk thu simh hen a sinah thu a thanh,

JONA 3:10

Pathian nih an thilti dân leh thilsual ti duhnâk an lêt mi chu a muh na rawh. Churawhchun, a thinlung a lêt le, rêp ding a tum na mi chu a lêt rawh.

JONA 3:4

Jona chu chu khuapi chu a lût a dawmhnâk thawk hen ni khat kal a tling rawh chun thu a sim le, “Ni sâwmli karah Ninevi khua chu â râwk lai!” a ti.

THILTI 9:37

Chun, chubang liauah chun a damlo le, a thi rawh; chun, tak an khawlh le, a tlûn mi kardang ah an zâutir.