ISAI 37:7 - Bawm Common Language Bible Version

⁷ LALPA nih lal lianchem chu a ram leiah kîr ding hen thunawk a theihtir lai le, chunah chun LALPA nih amah chu a thah lai,” a ti.

ISAI 37:7 ပူးပေါင်းရင်းမြစ်များ

2 Lal 7:6

LALPA nih Siria tla chu kawrsen rualpi kal hâu hâwi hen rang leh kari tla kal hâu hâwi a theihtir na. Churawhchun, Siria tla nih chun Israel lalchem nih Hit mi leh Aigupta lalchem tla kanmah hawng kan do ding hen a sâwm na mi asi lai ti an ruat.

2 CHRONICLES 32:21

LALPA nih Asiria kawrsen leh an hotu tla thah ding hen vânmifial a fial. Churawhchun, Asiria lal lianchem chu ningzâk bû hen a kîr rawh. Ni khat chu a pathian biakin ah a um liauah a fapa zeimaw mi tla nih an pa Asiria lal lianchem chu an thah rawh.

JOB LASUIBU 15:21

Hâu ṭihnungkâi a nâ ah theih hen a um lai le, him tak hen um ding a ruat liauah rawkmang nih a rawk lai.

JOB LASUIBU 4:9

Pathian nih a thinthawknâk thlipi hâwi mi hen a veih na.

SAM 58:9

An theih manh lan karah bua an thlawh mi hâwi hen um na sele, Pathian thinthawknâk nih an dam liauah ranh ving na seh.

ISAI 37:29

Na thinthawknâk thu leh na khâwngnâk thu an sim mi tla ka theih le, tulam chun na nâr ah siau kan banh lai le, na kâ ah thirbarh kan barh lai le, na hawngnâk lampi lîlâ ah kan kîrtir nawlh awt,” a ti.

ISAI 37:9

Aigupta kawrsen tla chu Sudan mi lalchem Tirhakah nih anmah do ding hen a hawng kalpi na mi thu Asiria mi tla nih an theih rawh. Chu chu lal lianchem nih a theih rawh chun,