ISAI 37:4 - Bawm Common Language Bible Version

⁴ Asiria lal lianchem nih a milian chu Pathian nung simsiat ding hen a hawng fial. LALPA na Pathian nih hi bang simsiatnâk hi theih sele, chu hâwi hen thusimtu tla chu rêp na seh. Churuangah a thibang kan mi le tla rangah Pathian sinah thlacham rawh,” an ti.

ISAI 37:4 ပူးပေါင်းရင်းမြစ်များ

2 SAMUEL 16:12

LALPA nih ka vânduainâk hi a theih hen hi hawlhsiat barh hi malsâwmnâk hen khawm a rulh kho asi,” a ti.

2 Lal 17:18

LALPA chu Israel tla tlûnah a thinthawk le, a mitmuh ah mi chu a nar phin na le, Juda lalram cho a siah.

2 Lal 19:4

Asiria lal lianchem nih Pathian nung siarlo hen a rianṭuantu lakah mi hotu chem a hawng fial. LALPA na Pathian nih hi bang zauhnawmhtu chu theih sele, chubang hâwi thusim tla chu theih sele rêp na seh. Churuangah kan minung a thibang tla rangah thlacham rawh,” a ti.

2 CHRONICLES 28:19

Lalchem Ahaz nih a mi Juda tla diknâk chu a râwk le, LALPA a siarlo ruangah LALPA nih nawknâk a tlungtir mi asi.

2 CHRONICLES 34:21

“Kal ule, Israel ram leh Juda ram ah mi leh ka rangah LALPA sinah thu va deih u. Hi lasuibu lakah sîntirnâk tla hi hâwl u. Hawng kan thlâktu tla nih LALPA thu zûl lo hen, hi lasuibu nih a sim hâwi hen thil an ti lo ruangah kan lakah LALPA chu a thinrun asi,” a ti.

SAM 106:23

Pathian nih a mi le tla veih hep ding thu a sim liauah a to-aw thîm, Mosi chu a dîr le, Pathian rangah a êl. Pathian thinthawknâk lakah mi chu veih lo ding hen a vêng na.

SAM 50:21

Hi zawzawng thil na ti khawm ah zei thu khawm ka sim lo, churuang chun nangmah hen bang cho na ka ruat. Churuang chun tuah nunsimh hen thu ka nan simhfiang lai.

ISAI 1:8

Jerusalem chu mâk hen a um le, khuapi hual mi lakah grep dûm ah vêngtu umnâk basâ mawh chawngma phâisen ah mi basâ vêngtu nei lo hâwi asi.

ISAI 1:9

LALPA zeizawng tikho nih a thibang zeimaw mi zuah na lah sele chu Jerusalem chu Sodom leh Gomorah hâwi hen râwk dep hen a um lai.

ISAI 10:20

Israel thibang tla chu a vei ding mi phun lakah anna ngauh lo ding mi tik a hawng tlung awt. LALPA, Israel Pathian thenhlimh chu anna rinhsan tatak lai rawh.

ISAI 10:22

Israel mi tla chu tuah tipi kapah sep hâwi hen tam khawmsele, tâwmtê cho an hawng kîr lai. Siatnâk chu mi zapi tla rangah khawng asi le, an rangah siah ziar hen a um.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 36:13

Churawhchun, milian chu a dîr le, Hebrai hawlh hen thu a sim, Asiria lal lianchem nih thu an simh na mi chu ngâi u;

ISAI 36:18

Hezekiah nih LALPA nih a nan hum na ding mi thinlung put ding hen an âttir lah na seh. Zei phundang pathian tla khawm nih Asiria lal lianchem nih an ram a lâk ding mi a hum dah tâwn ma?

ISAI 36:20

Zei liauah hi bang ram zawzawng pathian tla nih kan lal lianchem lakah mi an ram a hum dah tâwn? Chun Jerusalem chu LALPA nih a hum kho lai ti ruatnâk thinlung zei nih me a nan neihtir na?” a ti.

ISAI 37:17

Tuah LALPA, hawng kan ngâi le, kan lakah thil a tlung mi tla hi zauhnik. Senakerib nih nang Pathian nung zauhnawmh hen thu a sim mi zawng hi ngâi rawh.

ISAI 37:31

Juda mi a thibang tla chu thlâi phun hen châwm mi a ram tual thûk takah a thlâk le, a rah a suah mi hâwi asi lai.

ISAI 37:32

LALPA Zeizawng tikho nih hi bang hi hawng tlung ding hen a tum mi asi ruangah a thibang zapi tla chu Jerusalem ah leh Zion Tlângah an um lai.

ISAI 37:5

Isai nih lalchem Hezekiah thuchah a theih rawh chun,

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 46:3

“Nannih Jakob thlâk ka mi tla lakah a thibang zawzawng tla, ka thu ngâi u. Na suak liau thawk hen ka nan kilkâwi.

JEREMIA 26:19

Lalchem Hezekiah leh Juda mi tla nih Mikah chu an thah lo. Chu ngâk hen Hezekiah nih LALPA chu a ṭih le, dâwt lawh hen a um. LALPA nih an tlûnah siatnâk ka hawng tlungtir awt ti hen a sim mi chu a lêt rawh. Tu hin mah lakah siatnâk lam kan tlungtir awt,” an ti.

JEREMIA 42:2

“Zângfahtê hen kan deih mi chu hawng kan ti piak! LALPA, kan Pathian sinah thla hawng kan cham piak. A vei bang tla zawzawng rangah thla hawng kan cham piak. Na kan muh mi hâwi hen veikhat rangah chun tam tak kan si le, tu lam chu tâwmtê cho kan si rawh.

DANIAL 2:18

Vân Pathian sinah khuaruatnâk ding hen, Babulon ram ah lal krai pêktu tla hen thah an si lonâk ding leh lal chu simhfiang kho ding hen thlacham ding hen a simh na.

JOEL 2:17

Bâwlpu tla nih mâichâm leh LALPA Biakin kawtkâ karah LALPA rianṭuan na sele, ṭap hen thlacham na seh: “LALPA, na mi tla hi lungkham na rawh. Phundang tla nih zauhnawmh ding leh nehsawh hen, ‘Nan Pathian zeiah?’ hawng kan ti ding hen hawng kan siang lah,” ti na seh.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

AMOS 7:2

Chu langhnâk ka nei mi lakah chun khâubawk nih thil ring ram lakah mi a ei hep mi ka muh le, churawhchun kei nih, “LALPA Zahkâi, na mi tla ngaihdam na rawh, zeitin an him kho zia lai? An tâwm hen an chak lo thlo mi!” ka ti.

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.

JEM 5:16

Chun, damh hen nan um khonâk ding hen, nan sual tla thutluang a vawr tawnh ule, thla a cham piak tawnh u, mirep thlachamnâk nih chun thil fâk tak ati tâwn.

JOSUA 14:12

Asi chun, tuah ka mi le tla hen ram thlingthlâk thu kan sim liauah LALPA nih thu hawng ka pêk mi hâwi hen tlâng ram chu hawng ka pêk. Anakim murui, milian umnâk khuapi lian kulh pang mi ka nan simh mi kha. LALPA chu ka sinah a um lai ti ka ruat, LALPA nih a sim mi hâwi hen ka nar phin na lai,” a ti.

1 SAMUEL 12:19

“Pu, zângfahtê hen kan thi lonâk ding hen LALPA na Pathian sinah hawng kan deih piak. Tuah kan sualnâk zawzawng dang chu siah rih hen lalchem kan deih mi thu ah hin kan palh rawh ti kan theihfiang,” an ti.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 14:6

Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.

1 SAMUEL 17:36

Chakeibaknei khawm vawm khawm ka thah, chu hâwitê hen hi Philistia lunglo mi lak khawm ka ti awt. Pathian nung kawrsen tla zuamtu hi.

1 SAMUEL 7:8

Samuel sinah, “Philistia mi tla lakah ruang hawng kan suah ding hen LALPA sinah thlacham kumza ko,” an ti.