ISAI 32:9 - Bawm Common Language Bible Version

⁹ Nannih nunau nuamsabut hen umtu tla, lawksawngnâk nei lo hen umtu, ka thusim hi ngâi u.

ISAI 32:9 ပူးပေါင်းရင်းမြစ်များ

SAM 123:4

Minei tla nih hawng kan zauhnawmh mi leh mi zûm tla nih hawng kan siarlo mi hi a sâwt tuktarâi.

ISAI 28:23

Ka thusim hi ngâi le; thu ka nan simh mi lakah hin na nâ thlîr rawh.

ISAI 3:16

LALPA nih, “Zauhnik u, Jerusalem nunau zumh zia khi! An vântâu bû hen an kal. Pherh tak hen an um. Dînpei hen an kê an kâr le, an kêreng ah mi kekhâng âwn sisir hen.

JEREMIA 9:19

Zion ah mi âu hâu, “Kanna râwk dep rawh! Ningzak saih hen kan um rawh! Kan ram mâk ding mi kan si rawh; kan in tla khawm a râwk hep rawh,” ti mi chu ngâi u.

JEREMIA 9:20

Kei nih, “Nannih nunau tla, LALPA thu ngâi ule, a thusim leikângah nan nâ thlir u. Ulh ding dân nan fanu tla sîntir na ule, nan hâwi le tla mithi vûinâk la sak ding hen sîntir na u.

LUNGFÂKNÂK 4:5

Buh-an thâw chem eitu tla chu khua lâi ah sungvâng hen an thi le; nuamchenhtu tla chu ei ding hâwl hen nâwmtâm an thâi.

ZEPHANIAH 2:15

Chu hâwi hen khuapi mah thiltikhonâk hen zûm mi leh him ziar ding hen â ruat mi tlûnah thil a hawng tlung lai. A sungah minung tla nih an khuapi chu laikulh ah rokual chem hen an ruat. A karo hen um ding mi mun ramsa tla umnâk mun a hawng si lai le; a paltu tla zawng chu an thlingza rê lai.

MATHAI 13:9

Âuzawng nâ nei nih chun theih seh,” a ti.

DEUTERONOMY 28:56

Nunau ṭha mi rokual lakah suak mi, a neihsiah ruangah lêng suak dahlo mi khawm chu hâwi hep an si lai. An khua tla mêlma nih an kulh tikah chun a sungvâng tuktarâi ah a fa a ring ka mi leh alam khawm a thuptê hen a ei lai. A pasal a dâwt tak mi leh a fa tla rang khawm ah a ṭhenh na lai lo.

LÂIRÊL 9:7

Chu thu chu Jotham nih a theih le, Gerizim tlâng tlûnah a kal le, a va dîr le, a auh na, “Nannih Sekem mi tla, ka thu ngâi ule, Pathian nih nannih thu khawm ngâi seh!