ISAI 32:6 - Bawm Common Language Bible Version

⁶ Mi â nih chun â tak hen thu a sim le, thilsual ti ding mi a dawn. A thilti leh a thusim chu LALPA siarlonâk hep asi le, mi sungvâng rangah buh a pêk dahlo, mi tîhâl rang khawm ah din ding a pêk dah loh.

ISAI 32:6 ပူးပေါင်းရင်းမြစ်များ

SAM 141:4

Thilsual ti duh lo ding hen hawng ka kil le, misual tla leiah ka ṭângṭawm lonâk ding hen. An puai lakah khawm ka tel lonâk ding hen.

THUFING LASUIBU 19:3

A zeimaw mi chu an thilti mâwl ruangah an siat phah le, churawhchun LALPA an sâwi.

THUFING LASUIBU 24:7

Finghnâk thusim chu mi mâwl rangah theihthiam ding hen a thûk tuk. Thu herh an ruat liauah zeikhawm sim ding a nei lo.

ISAI 10:2

Chubang hâwi hen mipâm tla chu thu nan neitir lo le, dik tak hen um ding khawm nan siang na lo. Churuang tak chun asi, mi ngâkṭah leh numei tla thil-le-rî nan lâk piak na mi chu.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 26:10

Misual sin khawm ah vêl na nei le, thil dik ti lam chu an tum dahlo. Hi mirep umnâk ram khawm ah hin thil diklo an ti nget rih; na rokualnâk theih ding an duh lo.

ISAI 3:15

Ka mi tla siat leh rawk ding leh mipam tla nâuneh ding hen thuneihnâk nan nei lo. Kei, LALPA Zahkâi, Zeizawng tikho nih chu chu ka sim asi,” a ti.

ISAI 31:2

Thil a ti mi chu amah nih a theih! Siatnâk a tlungtir. Misual tla leh anmah ṭangpitu chu rêp ding hen a ṭhih na.

ISAI 59:13

Na lakah kan hel le, kan nawng le, a nan zûl ding kan êl. Midang rangah kan nehsawh le, kâng dang leiah kan hawitâk. Kan thinlung dawn khawm a diklo rawh, kan thusim tla khawm âwkrâwl asi.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

JEREMIA 13:23

Mi dum nih a vun a dangtir kho hen keitê nih a ṭial a veih kho mazei? Chu hâwi an ti kho asi chun, nang thilsual cho lo chu zeikhawm tilotu nih thil dik ti ding na theih kho lai.

EZEKIEL 34:18

Nan lakah a zeimaw mi tla chu belh no ei chim ti an nei lo, nan ei lo mi khawm nan chîl salam ver! Tî fîm nan din le, nan din lo mi chu nan nawih ver!

DANIAL 12:10

Mi tam tak anna thianh lai. Misual tla nih an theihthiam lai lo le, sual leiah an kal vima lai; a fing mi tla cho nih an theihthiam lai.

AMOS 8:6

A man dêng lo rê kan fâng man tla a leiluat a sâng hen kan zuar kho lai. Mipâm, a leiba sam kholotu kan tawng lai le, a pheikawk bawp khat man men pêk kholotu pa chu sal ah kan châwk lai,” nan ti.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

1 SAMUEL 24:13

A lânah mi thufing nih, “Sualnâk thil chu misual cho nih a ti,” ti mi hâwi hen, churuang chun tâwm khawm nganfâk kan pêk awtlo.