ISAI 32:3 - Bawm Common Language Bible Version

³ Zapi minung thilherh lakah an nâ a fîm hen an mit a dei lai.

ISAI 32:3 ပူးပေါင်းရင်းမြစ်များ

ISAI 29:18

Chu ni a hawng tlung tik chun, mi nasêt tla nih hâu fâk tak hen lasuibu an rêl mi chu an theih kho lai le, mitchâw mûi nâwngah a um mi tla nih an mitdei hen an muh lai.

ISAI 29:24

Mi mâwl nih a theihthiam lai rawh, chipchiar kumza mi tla chu a sîn ding hen anna lâwm lai rawh,” a ti.

ISAI 30:26

Thlâ chu nî hâwi hen a hawng chêu lai le, nî chu ni dangah mi a chêu lehsarih hen a chêu lai le, ni sarih chêu kha ni khat ah fawnh hep mi tluk asi lai. Hi bang zawzawng tla hi LALPA nih a mi tla liam mâ damh hen a tuam ni ah a hawng tlung lai.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

JEREMIA 31:34

A mêchem thawk hen a lianchem mi nih an ka theih awt ruangah, ram lakah mi âukhawm nih LALPA theih ding hen an hâwi le tla sîntir an herh lai lo rawh. An sual tla ka ngaihdam na lai le, an thilsual ti khawm ka theihkumza lai lo rawh. Kei, LALPA nih ka sim asi,” a ti.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

MARK 7:37

“Anih nih chun zeizawng ṭha tak hen a ti le, nasêt tla a theihtir le, hawlh kho lo tla khawm a hawlhtir tâwn,” an ti le, dîntuai hen chê an ti lo.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.