ISAI 32:2 - Bawm Common Language Bible Version

² An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 32:2 ပူးပေါင်းရင်းမြစ်များ

SAM 143:9

LALPA, hum ding duh hen na sinah ka hawng, ka mêlma lakah mi hawng ka hum.

SAM 32:7

Nang chu ka thupnâk na si; nawknâk lakah mi na ka hum lai. Na ka vêng ruangah na ruangsuahnâk la hâu fâk tak hen ka sak.

SAM 63:1

Nang, ka Pathian na si le, ka nan ngâi. Ka taksa pumpiluk nih a nan ngâi; na lakah ka thinlung a tîhâl, ram tî nei lo, a châr mi hâwi hen.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 16:3

Juda mi tla sinah, “Ti ding mi hawng kan simh u. Thing sûn nî sa lakah mi dâidul a kîknâk ah an siah mi hâwi hen hawng kan hum ule, nan thlaliah ah kanna dîn bâk lai. Kannih chu ramdang minung hawng tek mi kan si le; âukhawm nih hawng kan muh lo ding hen hawng kan thuh u.

ISAI 25:4

Mipâm leh ṭangpitu nei lo chu na sinah an hawng tek le, lawksawng liauah him tak hen an um. Thli leh ruah lakah dawrnâk na pêk le, nî sâ lîn lakah mi chu dâidul ah na umtir na. Misual tla nih busik liauah thli leh ruah hâwi hen leh, ram châr lakah nikhua kheu hâwi hen an do.

ISAI 28:17

Diknâk chu lungphûm rangah tahnâk asi lai le, zumhkâinâk chu a thûk zia tahnâk asi,” a ti. Thli leh ruah lakah mi rial nih nanna ngauhsan âwkrâwl tla chu a hûi peng lai le, nanna humnâk chu tîlian nih a veih lai.

ISAI 41:18

Tlâng karo lakah tiva ka luangtir lai le, a vakuam tla ah chun tinungva ka luangtir lai. Ramkaro chu tili ah ka changtir lai le, ram châr lakah tinungva ka luangtir lai.

ISAI 43:19

Thil thar ka ti ding mi chu ngâk rawh. A hawng tlung ko rawh, tuah na muh kho lai! Ramkaro ah lan dak hen lamlian ka siam lai le, chunah chun tinungva ka nan pêk lai.

ISAI 43:20

Ramsa tiang khawm nih an hawng ka zah lai le; kâwlui leh vachâ tla khawm nih ramkaro ah ka mi thîm tla rangah tiva ka luangtir tik chun an hawng ka sawr lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 33:14

LALPA nih, “Israel leh Juda mi tla sinah thutiamnâk ka siam mi rangtlingtir ding tik chu a tlung rawh.

LUNGFÂKNÂK 4:20

LALPA nih a thîm mi lalchem hawng kan rûntu lakah humtu ah kan rinhsanh mi kan nungnâk bulpi chu an tleih rawh.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

JOHAN 7:37

Chun, Kût ṭiak awt ni, ni rokual takah chun, Jisu a dîr le, a âu le, “Âuzawng a tîhâl mi chu ka sinah hawng kal sele din seh.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

THUPHUANG 22:1

Chun, vânmifial nih chun nungnâk tiva kristal lung hâwi hen a tlêu mi, Pathian leh Dawrâ Fa laltophah thawk hen a hawng suak mi hawng ka zauhtir.