ISAI 32:18 - Bawm Common Language Bible Version

¹⁸ Pathian mi tla chu lawksawngnâk an nei lai lo rawh le, an in tla him tak hen leh thlangam hen a um lai rawh.

ISAI 32:18 ပူးပေါင်းရင်းမြစ်များ

SAM 107:7

An umnâk ding khuapi leiah lampi ding lakah a kalpi na.

EXODUS 9:26

Israel tla umnâk Gosen ram lâwng rial a tlâ lo.

THUFING LASUIBU 24:15

Misual, mi zumhkâi râwktu leh a in lâk piak awttu hâwi hen um lah.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 14:3

LALPA nih chun Israel mi tla chu an nganfâk leh tuarnâk leh zângran ko hen rian fâk tak an ṭuantir na nâk lakah mi chu a âwltir na lai rawh.

ISAI 2:4

Phun rokual tak lakah remlonâk thu ah lâi a rêl lai. An nâmsâu tla chu phâisen ah an dêng lai le, an fei tla chu phâisen nâwnnâk thîr zum rangah an dêng lai. Phun tla chu râltuk ding hen an kal lai lo rawh, râltuk ding khawm timhtuahnâk an nei lai lo rawh.

ISAI 26:12

LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

ISAI 26:3

LALPA, nangmah nih, a nan zumhtu tla leh tumnâk bir tak neitu tla chu thlangamnâk rangtling pêk na.

ISAI 28:12

Nan ektê hen dînnâk leh thlangamnâk a nan pêk na le, sikhawmsele a thu nan ngâi duh lo.

ISAI 30:15

LALPA zahkâi, Israel Pathian thenhlimh nih, mi zapi tla sinah thu a sim le: “Hawng kîr ule, keimah lakah dâisip hen hawng a ngauh u. Chu tikah nan chak hen nan him lai,” a ti. Sikhawmsele, nan êl.

ISAI 33:6

Phun tla sinah birhnâk a pêk lai. A mi tla chu a hum kumza na le, finghnâk leh theihnâk a pêk na. An ro rokual chem chu LALPA an zahnâk chu asi.

ISAI 65:21

Mi nih in a sak mi chu anmah ber nih an luah lai le, midang nih an luah lai lo. Grep dûm an tuah lai le, uain lakah anna lâwm lai, midang nih an din piak lai lo. Thing hâwi hen ka mi tla chu sâwt tak an dam lai. An rianṭuan thil tla lakah anna lâwm lai.

ISAI 65:9

Juda phun lakah mi Israel tla chu mal ka sâwm na lai le, an thlâk tla nih ka ram lakah mi tlâng tla anna ting lai. Ka mi, keimah nâwl zulhtu ka mi thîm tla chu chunah an um lai.

JEREMIA 33:16

Juda mi tla leh Jerusalem mi tla chu ruangsuah hen an um lai le, him tak hen an um lai. Khuapi chu ‘LALPA kan ruangsuaknâk’ an ti lai.

EZEKIEL 34:28

Lunglo phun tla nih an rûn lai lo rawh le, ramsa tla khawm nih an thah hen an ei na lai lo rawh. Him tak hen an um lai le, âukhawm nih an lauh na lai lo rawh.

ZEKARIA 2:5

LALPA nih, chu khuapi chu vêng ding hen amah ngelchel chu kulh dak hen mei kulh vâm hâwi hen humtu si hen, a rokualnâk zawzawng hen ka um awt ti hen a tiamh,” a ti.

ZEKARIA 2:8

Nannih vuaktu chu ka thil neih sung chem vuaktu asi,” a ti. LALPA Zeizawng tikho nih chun a mi tla rûntu phun tla sinah hi thuchah hi sim ding hen hawng ka fial.

ZEKARIA 3:10

Chu ni a hawng tlung tikah mikip nih nan inpa thlangam leh rem tak a um hen theipi leh grep nih an kulh dak mi ruangah a lâwm ding hen nan sâwm na lai,” a ti.

HEBRAI 4:9

Chun, Pathian mi tla rangah chun ni sarih ni Pathian dinhnâk hâwi kha dinhnâk a um nget rih.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.