ISAI 32:13 - Bawm Common Language Bible Version

¹³ ka mi le tla ram ah bua leh lingnei a hawng kho rawh ruangah ngaihsia hen nan thin makâ chumh u. Mi zapi tla lâwptlonâk in zawzawng leh nuamnâk hen a khat mi khuapi ruangah ṭap u.

ISAI 32:13 ပူးပေါင်းရင်းမြစ်များ

SAM 107:34

Chunah um mi tla sualnâk ruangah ramkaro ah mi tual chu a altir.

ISAI 22:2

Khuapi sung mi minung tla zawzawng nih an hâu an suah le, lâwmnâk rihâu hen a khat. Na minung hi tuknâk ah thi mi tla chu râltuknâk ah an thi mi asi lo.

ISAI 23:7

Hi hi Tura khuapi sâwt tak um rawh mi lâwmnâk asi kho lai ma? Hi khuapi hi ma, tipi tan hen ram luahtu tla an fial na mi chu?

ISAI 23:9

LALPA Zeizawng tikho nih a ruat mi asi. An thilti lakah anna zûm mi dawnghtir ding leh an mi zahkâi tla nâutir a tum mi asi.

ISAI 24:11

Uain a um lo rawh ruangah mi tla chu khua dungah an âu. Lâwptlonâk tla a um lo thlo rawh le; ram lakah mi tla a vei rawh.

ISAI 27:10

Kulhnei khuapi chu râwk hen a um rawh. Ramkaro hâwi hen a karo hen siah hen a um. Ranrual dînnâk leh tlawngnâk rang ding ah belh ningno mun lam asi rawh.

ISAI 34:13

Ling leh bua tla chu lal in leh kulh mi khua tla lakah a kho lai le, kâwlui leh sûmbuh tla a sungah an um lai.

ISAI 5:10

Grep zûn acre ngâ mun lakah uain gallon nga cho tawng asi lai. Fâng chî kilogram zâ leh sâwmriat nih fâng kilogram leiriat cho a suah lai,” a ti.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

ISAI 55:13

Bua nâwngah far thing chi dang tla a kho lai le, Lênmui kûng tla chu bualingnei ruangrûl ah a kho lai. Chu chu zungzâl um ding mi singsiahnâk asi lai le, Kei, LALPA nih ka ti mi theihtir nawlhnâk asi,” a ti.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

ISAI 7:23

“Chu chu a hawng tlung tikah, grep zûn a ṭha mi ṭeng kip nih ṭeng sâng a suah mi, tangka man chiau chu ling leh bua nih a khuh pang lai.

JEREMIA 33:4

Kei, LALPA, Israel Pathian nih Jerusalem mi in tla leh Juda lal in chu siat asi lai ti ka sim asi. Babulon mi tla nih kulh hual hen tualpawng an siam mi chu suak hen va do na ding chu zeikhawm a ṭhatvaknâk a um lo. Ka thinthawknâk leh ka hehhârnâk hen ka thah na ding mi ruak hen khuapi chu a khat lai. A sungah minung tla nih thilsual an ti ruangah hi khuapi hi ka hertâk asi.

JEREMIA 39:8

Chu kar chun lal in chu Babulon mi tla nih an duah le, mi zapi tla in khawm an duah le, Jerusalem kulh tla an chimh ver.

JEREMIA 52:27

Hamath ram ah Riblah khua ah um mi sinah a kalpi na. Chunah chun lalchem nih a rêp na le, a thah na. Churawhchun, Juda mi tla chu sal ah put hen an um rawh.

HOSEA 10:8

Aven tlâng tlûnah Israel mi tla nih milem an sawnhnâk mun khawm râwk asi lai. An mâichâm chu bualingnei leh belh nih a khuh dep lai. Mi tla nih tlâng sâng tla sinah, “Hawng kan thuh! ” an ti lai le, tlâng tênâu sinah, “Hawng kan khuh!” an ti lai.

HOSEA 2:3

Chu hâwi hen a lêt duh lo chun a suak liau mi hâwitê hen takkaro siding hen a nipuan ka lît piak awt. Ramkaro leh ram châr hâwi hen ka siam lai le, tîhâl hen a thi lai.

HOSEA 9:6

Siatnâk ni a hawng tlung tikah mi tla chu anna rekrâwi lai le, Aigupta mi tla nih Memphis khua ah vûi na ding hen an pumh na lai! An tangka siahnâk leh an in tla dirh hen a um rawh mi tla chu belh leh bualingnei tla nih a khuh dep lai.