ISAI 32:11 - Bawm Common Language Bible Version

¹¹ Nuam tak hen nan um le, lawksawngnâk khawm nan nei lo; tu lam chun lâu hen thir u! Nan nipuan tla lît ule, nan puan sia hen a sâwm u.

ISAI 32:11 ပူးပေါင်းရင်းမြစ်များ

SAM 123:4

Minei tla nih hawng kan zauhnawmh mi leh mi zûm tla nih hawng kan siarlo mi hi a sâwt tuktarâi.

EXODUS 33:4

Chu chu an theih rawh chun, an thinlung a fâk le, lungmantam tla rêng anna beh lo rawh.

ISAI 15:3

Tual lâi ah zapi tla nih salâpuan anna aih le; khuapi kulh leh in tlûnah mi zapi tla chu an lungfâk le an ṭap.

ISAI 2:19

LALPA chu tual ninh ding hen a hawng kal tikah chun a thiltikhonâk leh a rokualnâk leh a thinthawknâk lakah mi ruangsuak ding hen, mi tla chu tlângah mi lungpûk ah leh khur an chawh mi sungah anna thup lai.

ISAI 2:21

LALPA chu tual ninh ding hen a hawng tik chun, a thinthawknâk leh a rokualnâk leh a thiltikhonâk lakah mi chu ruangsuak ding hen tlângah mi pûk ah leh khur lakah anna thup lai.

ISAI 20:4

Asiria lal lianchem nih chun, chu ram panih thawk hen a mi tleih tla chu takkaro leh kê karo hen a kalpi na awt asi. Upa, ngâksia takkaro leh kê karo hen an kal lai le, an taw lang bû hen Aigupta rangah an mualphoh lai.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

ISAI 3:24

Rimthâw mang ding ngâk hen an rim lam a sia lai; tâisâwm ṭha sâwm ding ngâk hen rirual hen tâi anna sâwm lai; sam dawh nei ngâk hen an lû lam a kâwng lai; puan ṭha aih ngâk hen salâpuan anna aih lai. Anna dawhnâk chu ningzakkâi hen a hawng um lai.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 47:8

“Nuamnâk duhtu tla, nannih him ding leh ruangsuah ding hen a ruat mi tla, hi hi ngâi u. Pathian tluk a rokual leh nang banghtu umlo mi hâwi hen na sim. Numei silo thlo ding leh tê-le-fa thlâunâk tuar lo thlo ding hen na ruat.

JEREMIA 4:8

Churuangah LALPA thinthawknâk fâk tak Juda lakah mi a reh lo ruangah salâpuan aih ule; ṭap leh thinlung fâk hen um u.

JEREMIA 49:3

Hesbon mi tla, ṭap u! Ai khua chu râwk hen a um rawh! Rabah ah mi nunau tla, lungfâk tak hen um u! Salâpuan a aih ule, ulh u. Nawk ruangah tek u. Nan pathian Milkom chu a lal leh a bâwlpu tla hen sal ah kalpi hen an um lai.

JEREMIA 6:26

LALPA nih a mi le sinah, “Salâpuan aih ule, vachâm nâwngah rîl u. Minung pakhat nanmah veih ding hen hawng kal mi nih an do sâwm na awt ruangah, fapa pakhat tek ruangah nan lung a fâk ding mi hâwi hen mitthli tlâ rê hen lungfâk u.

HOSEA 2:3

Chu hâwi hen a lêt duh lo chun a suak liau mi hâwitê hen takkaro siding hen a nipuan ka lît piak awt. Ramkaro leh ram châr hâwi hen ka siam lai le, tîhâl hen a thi lai.

JOEL 1:8

Nan nih zapi tla, nungâk, a pasal ding mi a thi ruangah a lungfâk le, a ṭap mi hâwi hen ṭap u.

AMOS 4:12

Churuangah, LALPA nih, “Israel mi tla, ka nan rêp na awt, hi hâwi thil ka ti awt ruang chun ka lâirêlnâk chu tuar ding hen a tîm rawh!” a ti.

ZEPHANIAH 2:15

Chu hâwi hen khuapi mah thiltikhonâk hen zûm mi leh him ziar ding hen â ruat mi tlûnah thil a hawng tlung lai. A sungah minung tla nih an khuapi chu laikulh ah rokual chem hen an ruat. A karo hen um ding mi mun ramsa tla umnâk mun a hawng si lai le; a paltu tla zawng chu an thlingza rê lai.

DEUTERONOMY 28:48

Churuangah LALPA nih nan lakah mêlma a hawng fial ding mi tla rian nan ṭuan lai. Sungvâng leh tîhâl hen nan um lai le, ni leh puan nei lo hen zeizawng ah samphâng hen nan um lai. Nan vei dep lânlo chu LALPA nih fâk tak hen an nehsawh na awt.

JEM 5:5

Tual ah hin nuamchên hen nan um le, lâwptlo tak hen nanna siam le, thah ni ding rangah bit tak hen nanna châwm rawh.