ISAI 32:1 - Bawm Common Language Bible Version

¹ Zei tik ni mawh chun lalchem dik tak a lâirêltu leh phun ruitu tla lakah diknâk hen lâirêltu a hawng um lai.

ISAI 32:1 ပူးပေါင်းရင်းမြစ်များ

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

SAM 45:1

Lal rangah hi la ka phuah liau hin ka thinlung chu thu ṭha hen a khat. Ka lei chu la phuah ding a tîm zet hen lasui rîn thiam kâwnglâwng fung hâwi asi.

SAM 99:4

Lalchem Chak tak, diknâk chu na lawmh; Israel tla lakah diknâk chu na birhtir le; repnâk leh ṭhatnâk na tlungtir.

ISAI 11:4

mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 11:5

Rep tak leh rangtling tak hen a mi tla lâi a rêl lai.

ISAI 16:5

Churawhchun, David thlâk lakah mi lal ah a um lai le, mi zapi lakah dâwtnâk leh zumhkâinâk hen lâi a rêl lai. Thil dik chu a ti sawm lai le, repnâk hen thilti asi mi tla chu a zauh lai.)

ISAI 28:6

Lâirêltu tla sinah chun dik tak hen theihnâk a pêk na lai le, dotu tla lakah khuapi kulh kawtkâ vêngtu tla chu râlṭhatnâk a pêk na lai.

ISAI 33:5

LALPA chu a rokual a! Thil zeizawng tlûnah lâi a rêl. Jerusalem chu diknâk leh rangtlingnâk hen a khattir lai le,

ISAI 4:6

A rokualnâk nih khuapi chu sûn nî linh lakah mi a dulh lai le, thli leh ruah lakah mun him leh dawrnâk ah a siam lai.

JEREMIA 33:14

LALPA nih, “Israel leh Juda mi tla sinah thutiamnâk ka siam mi rangtlingtir ding tik chu a tlung rawh.

JEREMIA 33:15

Chu tik chun David thlâk rep tak chu lalchem ah ka thîm lai. Chu lal nih chun ram pumpi ah thil dik leh rep tak a ti lai.

EZEKIEL 37:24

An lalchem chu ka to-aw lalchem David hâwi asi lai. Lâirêltu pakhat tangah an um ver lai le, ka dân tla zumhkâi tak hen an zûl ver lai.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.