ISAI 31:3 - Bawm Common Language Bible Version

³ Aigupta mi tla chu pathian tla an si lo, minung cho an si. An rang tla chu chung vân lei mi an si lêm lo. LALPA nih thil a hawng ti tik chun phun chak chu a râwk dep lai le, phun chak lo a ṭangpi mi khawm a tlû lai. An panih hen an vei lai.

ISAI 31:3 ပူးပေါင်းရင်းမြစ်များ

2 CHRONICLES 32:8

Annih chu minung thiltikhonâk an nei le, kannih lam chu LALPA kan Pathian nih râl kan do ding mi hawng kan ṭangpi ding hen kan nei,” a ti. Zapi minung tla chu an lalchem thusim ruangah râlṭhatnâk an nei.

SAM 118:8

LALPA lakah ngauh chu minung lakah ngauh ngâk hen a ṭha dauh.

SAM 33:17

Râltuknâk rang tla chu nehnâk ding hen mangtlâk an si lo; an chaknâk nih anmah a hum kho lo.

SAM 9:20

LALPA, lauh na le, thi kho mi minung an si ti theihtir na.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 20:4

Asiria lal lianchem nih chun, chu ram panih thawk hen a mi tleih tla chu takkaro leh kê karo hen a kalpi na awt asi. Upa, ngâksia takkaro leh kê karo hen an kal lai le, an taw lang bû hen Aigupta rangah an mualphoh lai.

ISAI 20:6

Chu tik chun, Philistia ram ah um mi tla nih, Asiria lal lianchem thawk hen kan ngauhsan chem mi tla lakah thil a hawng tlung zia hi zauhnik u! Zeitin kan him kho lai rawh?’ a ti.”

ISAI 30:16

Chu hâwi um ding ngangâk hen nan mêlma lakah him ding hen rang chak tak tlûnah chuan ding lam nan tum. Nan dik ngâk, suak ding chu nan tum ding rerêng! Nan rang tla chu chak tâwk ual ding hen nan ruat le, sikhawmsele a nan ṭhâwl natu chu a chak dauh lai.

ISAI 30:5

Juda mi zapi tla nih phun zumhtlâklo tla chu anmah ṭangpi ding hen an zumh mi nih a ṭangpi na kho lo tikah anna sîr lai,” a ti.

ISAI 30:7

Aigupta nih a ṭangpi na mi chu zeikhawm asi lo. Churuangah Aigupta chu ‘Rûlpi Tûr nei lo’ ti hen min telê ka phuah,” a ti.

ISAI 36:6

Aigupta chu nangmah ṭangpitu siding na ruat le, sikhawmsele, anih chu ṭhianṭhunh rangah lâiluang kung mang hen a kiak le, kut lakah a sunh mi hâwi asi lai. Âuzawng Aigupta lal ngauhsanhtu chu, chu hâwi an si lai,” a ti.

ISAI 36:9

Asiria milian dîrmun niam chem khawm nan tluk kho lo mi, Aigupta mi tla nih kari leh rang tlûnah chuan mi tla an pêk na ding nan lungum nget rih.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 17:5

LALPA nih, “Ka lakah mi hawng ka hawitâk hen minung a thi kho mi chaknâk ah â ngauh mi chu ka mawhtir awt.

EZEKIEL 28:2

“Thikho mi minung, kei, LALPA Zahkâi nih thu ka sim mi hi Tura lâirêltu rangah simh: Zûm tak hen Pathian ah na ruat. Tipi lâi ah Pathian hâwi hen laltophah ah to hen na sim. Pathian hâwi hen na siam le, sikhawmsele na si lo zia chu Pathian silo hen thikho mi minung na si.

EZEKIEL 28:9

Nangmah thah ding hen an hawng tikah pathian ah na ruat awt nget ma? A nan thahtu tla na muh tikah pathian silo hen minung na si zia na theih lai.

AMOS 2:15

Chanhtiang kahtu tla khawm an dîr kho lai lo le, mi tek chak tla khawm an suak kho lai lo, rang tlûnah totu tla khawm an âwl lai lo.

MATHAI 15:14

Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.