ISAI 31:2 - Bawm Common Language Bible Version

² Thil a ti mi chu amah nih a theih! Siatnâk a tlungtir. Misual tla leh anmah ṭangpitu chu rêp ding hen a ṭhih na.

ISAI 31:2 ပူးပေါင်းရင်းမြစ်များ

JOB LASUIBU 12:16

Pathian chu a chak le, nehtu asi kumza; a thiltikhonâk lakah chun perpetnâk leh perpettu a um.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 14:20

Na ram na râwk le, mi tla na thah na ruangah lalchem dang tla hâwi hen vûi na si lai lo. Na dâwngsungkhur sual chu pakhat khawm zuah asi lai lo.

ISAI 21:17

Chanhtiang kahtu tla chu Kedar ram ah mi râlṭha chem an si, sikhawmsele tâwmtê cho a thibang an um lai. Kei, LALPA Israel Pathian nih ka sim asi,” a ti.

ISAI 22:14

LALPA zahkâi Zeizawng tikho amah ngelchel nih ka sinah, “Hi misual tla hi an dam kar vial chu ngaihdam an si rêng lai lo. Kei, LALPA zahkâi, Zeizawng tikho nih ka sim asi,” a ti.

ISAI 28:21

LALPA nih Perazim Tlângah leh Gibeon vakuam ah ti mi hâwi hen a do na lai le, a thilti lakah a chê zia langhtir a tum mi hâwi hen khan. A thil thup rianṭuan tla a lîm lai rawh.

ISAI 28:29

Chubang finghnâk zawzawng chu LALPA Zeizawng tikho thawk hen mi asi. Pathian thiltum chu finghnâk asi le, anna dingchang kumza asi.

ISAI 30:3

Sikhawmsele lalchem chu anmah ṭangpi ding hen thiltikhonâk a nei lai lo le, Aigupta nih a humnâk chu siatnâk hen a dawng lai.

ISAI 30:7

Aigupta nih a ṭangpi na mi chu zeikhawm asi lo. Churuangah Aigupta chu ‘Rûlpi Tûr nei lo’ ti hen min telê ka phuah,” a ti.

ISAI 31:3

Aigupta mi tla chu pathian tla an si lo, minung cho an si. An rang tla chu chung vân lei mi an si lêm lo. LALPA nih thil a hawng ti tik chun phun chak chu a râwk dep lai le, phun chak lo a ṭangpi mi khawm a tlû lai. An panih hen an vei lai.

ISAI 32:6

Mi â nih chun â tak hen thu a sim le, thilsual ti ding mi a dawn. A thilti leh a thusim chu LALPA siarlonâk hep asi le, mi sungvâng rangah buh a pêk dahlo, mi tîhâl rang khawm ah din ding a pêk dah loh.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

JEREMIA 10:12

LALPA nih tual chu a thiltikhonâk hen a siam le; a finghnâk hen laikulh a siam le, vân tla a pharh.

JEREMIA 10:7

Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

JEREMIA 36:32

Churawhchun, lasuibuzual dang chu ka lâk le, ka lasuirîntu Baruk rangah ka pêk le, anih nih thil ka ap mi chu a rîn hep. A lânah mi lasuibuzual lakah a um mi zawzawng leh a sinah ka ap mi hâwitê hen a rîn.

EZEKIEL 29:6

Chu tikah Aigupta mi zawzawng tla nih LALPA kasi ti an theih lai rawh,” a ti. LALPA nih, “Israel mi tla chu ṭangpitu ding hen nanmah Aigupta mi tla lakah anna ngauh le, sikhawmsele nang chu ṭhianṭhunh nêm pêk mi tluk khawm na si lo.

AMOS 3:6

Mi tla ningṭihnâk umlo thlo hen khuapi ah râltuk tâwtawrâwt an tum dah tâwn ma? LALPA fial mi silo hen khuapi ah siatnâk a tlung tâwn ma?

ZEPHANIAH 3:8

LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

ZEKARIA 1:6

Ka to-aw khuavâng tla mang hen an thlâk natu tla chu thu ka pêk hen ka simhkan na le, sikhawmsele zeikhawm an rêl lo le, chu lak chun an tuar phah. Ti ding ka duh mi hâwi hen kei, LALPA nih an sual mi ruangah ka rêp na,’ ” a ti.

NUMBER 10:35

LALPA Thudântuk Bâwm â thawh awt kip ah Mosi nih, “LALPA, thawk le, na mêlma tla chu rektir na le, an huatu tla chu tektir na,” a ti.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

MATHAI 24:35

Tual leh vân a vei lai le, ka thu lam chu a vei lai lo.

ROM 16:27

Nannih an birhtir kho natu Pathian fing sinah cho Jisu Krist ruangah zungzâl hen rokualnâk um seh! Amen.

JOSUA 23:15

Sikhawmsele, nan lakah a thutiam a nan tiamh na mi zawng a zulhpeh hâwi hen, ningṭihnâk khawm ah a nan rui vima na lai.

JUD 1:25

kan Lalpa Jisu Krist zârah ruang hawng kan suahtu Pathian sinah cho chun, tik a lan rawh mi leh tuah leh zungzâl tiang hen, chawnglawmhnâk tla, rokualnâk tla, thuneihnâk tla a sinah um seh! Amen.

1 SAMUEL 2:3

Na puarsanhnâk kha bâng le, puar thâu tak hen thu na sim mi khawm bâng rawh. LALPA chu mi zawzawng thilti lakah lâirêltu leh theihtu Pathian asi ruangah.