ISAI 30:6 - Bawm Common Language Bible Version

⁶ Hi hi marlei kângah ramkaro ah mi ramsa tla thu ah Pathian thuchah asi: “Ram ruangrûl ah ruat mi tla chu ram ṭihnungkâi, chakeibaknei tla, rûl tûrnei tla leh rûlpi a zuang mi umnâk ah an kal. An sanatung leh an sangâwngsâu tla chu anmah ṭangpi kholotu ding mi phun rangah pêk ding hen thilpêk man tam tak tla an phurhtir.

ISAI 30:6 ပူးပေါင်းရင်းမြစ်များ

DEUTERONOMY 8:15

Ramkaro ṭihnungkâi kâu tak, rûl tûrnei leh tlâng cha-âi umnâk ram pal hen a nan rui na asi. Chu ram châr leh tî umlonâkah chun lungpi thawk hen nan rangah tî a suaktir.

JEREMIA 11:4

Aigupta ram, an rangah meialh hâwi mi thawk hen ka suakpi na liauah an thlâktu tla sinah thudântuk ka siam mi chu asi. Ka thu ngâi ding leh thu ka pêk na mi zeizawng ti ding hen ka simh na. An zûl mi asi chun, ka mi tla an si lai le, Kei, an Pathian kasi lai ti ka simh na.

1 Lal 10:2

Amah chu minung tam tak nih an zûl le, rimthâw tla, lungmantam leh ngûn tla tam tak sangâwngsâu tla a puttir. Solomon hen an va a tawng rawh chun a thinlung ah a ruat mi deih ding mi zawng chu a deih rawh.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

MATHAI 12:42

Simlei lalnu kha lâirêl ni ah chun tu san mi tla sinah hin a thawk bâk lai le, an mawhtir na lai; Solomon finghnâk ngâi ding hen men kâwlkil thawk hen a hawng kal ruangah. Ngâinik u, Solomon ngâk hen rokual dauh hinah hin a um.

HOSEA 12:1

Israel tla nih zîngtê thawk hen zân tiang an ti mi chu thil mang tlâklo leh siatnâk asi. Zumhkâilonâk leh siatnâk thilti an lakah a pung. Asiria mi tla leh Aigupta mi tla hen saw anna leh tawnh,” a ti.

JEREMIA 2:6

Aigupta ram ah mi ruang ka suah na hen, ramkaro mun zawzawngah, ramkaro leh resep nâwngah, ram châr leh ṭihnungkâi âukhawm umlonâk leh kal dahlonâk ah ka rui na khawm ah an ka sunhsak lo.

ISAI 57:9

Rimthâw leh sariak nanna thuh le, Molek pathian sawnh ding hen nan kal. Pathian tla sawnh ding hâwl hen ram lât tak leh mun dang dangah mi nan fial le, laikulh thihnâk lei tiang khawm ah nan fial.

ISAI 19:4

Aigupta mi tla chu lal sual tak leh ṭhalo tak an tlûnah lâirêltu sinah ka pêk na lai. Kei, LALPA Zeizawng tikhotu nih chu chu ka sim asi.”

ISAI 15:7

Zeimaw mi chu an neih tla hen suak an tum le, Bakrimei Va an kanh.

ISAI 8:22

Vânlei an zauh lai le, tual lei an bih lai le, sikhawmsele, lawksawngnâk leh mûinâk, mûi ṭihnungkâi ah nar hen an umnâk lo chu zeikhawm an muh lai loh. Chu nawknâk tik lakah mi chu suak khonâk lampi rerêng an rangah a um lai lo rawh.

2 CHRONICLES 16:2

Churawhchun, Asa nih Biakin ah mi leh a lal in ah mi ngûn leh tangka a lâk le, Siria lalchem Benhadad Damaska mi sinah hi thuchah tla hen a kuat:

2 CHRONICLES 9:1

Seba lalnu nih Solomon a minthang zia a theih le, amah niknâk ah thu har tatak va deih ding hen Jerusalem ah khualtlâwng a va kal. A sinah mi cherkhet a put na le, rimthâw tla, ngûn tla, lungmantam tla, sangâwngsâu tla tam tak a phurhtir. Solomon hen anna tawng rawh chun thu har tak hen a ruat mi tla chu a deih.

DEUTERONOMY 17:16

Lalchem nih chun a kawrsen tla rangah rang tla tam tak a nei ding asi lo, rang tla châwk ding hen Aigupta ah mi a fial na ding asi lo, LALPA nih chu ram ah chun a mi tla kîr lo rawh ding a ti ruangah.

GENESIS 12:9

Chunah mi chu â ṭhial vima le, Kanaan simlei a fûk vima.

NUMBER 21:8

Chun, LALPA nih Mosi chu dâr rûl siam hen thingtluan pâr ah thlâi hen, rûl chuk mi âuzawng nih an zauh chun an dam khonâk ding hen ti ding hen a simh.

ISAI 5:30

Chu ni a hawng tlung tik chun, Israel tlûnah tipi rihâu hâwi hen hâu an suah lai. Hi ram hi zauhnik! Mûinâk leh hamhnâk! Chêu chu mûi nih a dawlh hep.

ISAI 14:29

Philistia mi tla, an vuak na mi nan vuakfung chu a kiak rawh le, sikhawmsele, lâwm ding asi khawm nan theih loh. Rûl pakhat a thi le, a ruangrûl ah rûl ṭhalo dauh a hawng suak. Rûl tî chu dragon zuang kho mi ah a keuh.

ISAI 35:9

Chunah chun chakeibaknei tla an um lai lo le, sarâng tla khawm chu lampi ah a kal lai lo. LALPA nih ruang a suah na mi tla nih in lei kalnâk lampi ah an mang lai.

EZEKIEL 20:46

“Thikho mi minung, sim leikâng zauhnik. Sim leikâng do hen thu sim le, sim leikâng a mi tumun do hen thu simkan rawh.

MIKAH 6:14

Nan ei lai le, sikhawmsele khimlo hen nan sung a vâng kumza lai. Thil tla nan lâk lai le, sikhawmsele nan zuah kho lai lo, thil zeizawng nanna khiar mi chu râltuknâk ah ka veih awt hep.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

JOB LASUIBU 39:11

A chaknâk rokual tak chu na rianṭuan rit titu ding hen na lungum hen na ngauh san kho ma?

HOSEA 12:2

LALPA nih Juda le tlûnah sâwinâk a nei; Israel khawm thilsual an ti ruangah a rêp na awt. An thilti man a pêk na awt.

ZEKARIA 6:6

Rang dum nih a nûk mi kari chu marlei Babolon ah kal ding mi asi le, rang ngo nih a nûk mi chu thlanglei kângah, rang ṭial nih a nûk mi chu simlei kângah kal ding mi an si.