ISAI 30:1 - Bawm Common Language Bible Version

¹ LALPA nih thu a sim le: “Juda lakah lâirêltu tla chu ka lakah an hel ruangah an vânduai! Keimah siam lo mi thiltum an zûl le, keimah duh lo kâng hen remnâk ding ah min an rîn le, mi pakhat sual midang tlûnah an thang asi.

ISAI 30:1 ပူးပေါင်းရင်းမြစ်များ

2 Lal 18:21

Aigupta khawm nangmah ṭangpitu ding ah na ruat khawm asi kho, sikhawmsele lâiluang kûng ṭhianṭhunh ah mang hen a kiak le, kut a sunh mi hâwi cho asi lai, Aigupta lalchem tlûnah ngauhtu vial chu, chu hâwi chu an si,” ti hen a simh.

2 Lal 18:24

Asiria mi lakah a niam chem mi khawm nang zuam kho mi asi lo, chu hâwi khawm ah Aigupta lalchem nih rang leh kari tla a nan kuat ding na ruat nget rih!

SAM 61:4

Ka dam sung zawzawng na mun thenhlimh ah hawng ka umtir le; na thla tangah himnâk hawng ka tawngtir.

ISAI 1:2

LALPA nih, “Tual leh vân, ka thusim ngâi u! Fa ka châwm na mi tla, ka lakah an hel.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 1:5

Zei rangah a lakah hel kumza hen nan um? Rêp hen um ma nan duh nget rih? Israel, na lû chu liam mâ nih a tuam pang le, na thinlung leh na dawnruatnâk khawm a ngawr.

ISAI 28:15

Thihnâk hen thutiamnâk siam hen nanna zûm le, laikulh thihnâk hen remnâk nan phanh rawh. Siatnâk a hawng tlung tikah zuah na ding hen nanna ruat, perpetnâk leh âwkrâwl thu lakah him ding nanna ngauh ruangah.

ISAI 28:20

Thufing nih, ihkhun tâwi tuk mi lakah it tumtu nih â zangh awt khawm ah a tâwi tuk, puan â vurh awt khawm ah a ting lo ti mi hâwi nan si lai.

ISAI 29:15

An thinlung LALPA lakah thuh tumtu tla chu an vânduai! A thuptê hen thilti ding an tum mi chu âukhawm nih muh ding hen leh theih ding hen an ruat lo.

ISAI 30:9

Pathian lakah an hel kumza, âwkrâwl thu an sim kumza, LALPA sîntirnâk ngâi ding an êl kumza.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 4:5

Churawhchun, Zion Tlâng leh chunah anna pûm mi zawzawng tlûnah chun LALPA nih sûn nî tangah sûm leh zân ah meikhû leh meialh chêu tak a hawng fial lai. Chu khuapi chu Pathian rokualnâk nih a tuam hen a hum lai.

ISAI 5:18

Râwk leh siat hen na um rawh! Na sualnâk lakah mi suak kho na si lo rawh.

ISAI 63:10

sikhawmsele a lakah an hel le, a ngaih an siatir. Churawhchun, LALPA chu an mêlma ah â chang le, a do na rawh.

ISAI 65:2

Ka mi tla, lungkhung tak hen thil diklo ti hen anmah duh dân hen umtu tla chu lâwmh na ding ka râlring kumza.

ISAI 8:11

LALPA nih a thilti rokual tak hen, mi zapi tla kalnâk lampi ah kal lo ding hen hawng ka simhkan rawh.

ISAI 8:12

“Mi zapi tla thiltum lak khawm ah va a ṭawm lah le, an ṭih mi thil khawm ṭih lah.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

JEREMIA 17:5

LALPA nih, “Ka lakah mi hawng ka hawitâk hen minung a thi kho mi chaknâk ah â ngauh mi chu ka mawhtir awt.

JEREMIA 2:18

Aigupta ram ah kal hen Nile tiva ah mi tî din hen zei dingchangnâk tawng ding hen me na ruat? Asiria leiah Eufretis tiva tî din ding hen va kal chu zei dingchangnâk tawng ding hen me na ruat?

JEREMIA 37:7

“Aigupta kawrsen tla chu nangmah ṭangpi ding hen an hawng le, sikhawmsele in leiah an kîr nawlh lai.

JEREMIA 4:17

a mi tla chu LALPA lakah an hel ruangah phâisen, mi nih an vêng mi hâwi hen Jerusalem chu an hual dak lai. LALPA nih a sim asi.

JEREMIA 42:19

Churawhchun, ka sim vima le, “Nannih Juda ram ah um mi tla, Aigupta ram ah kal lo ding hen LALPA nih a nan simh na.

JEREMIA 5:23

Sikhawmsele nannih mi zapi tla, nan lungkhung hen nan hel le; nanna kiang le, nan hawng ka mâk thlap.

EZEKIEL 11:2

Pathian nih ka sinah, “Thikho mi minung, hi minung tla nih khuapi mi tla rangah thilsual ti tum hen thu ṭhalo an simh na.

EZEKIEL 2:3

“Thikho mi minung, Israel tla sinah ka nan fial asi. Ka lakah an hel le, an hawng ka hawitâk le, an thlâktu tla hâwi hen an hel nget rih.

EZEKIEL 24:3

Kei, LALPA Zahkâi nih tahṭhimh thu ka sim mi hi ka mi hel mang tla simh na: Bêl chu mei lakah khîng le, tî khat phak hen tleng.

EZEKIEL 29:16

Israel tla nih anmah ṭangpitu ding hen an lakah anna ngauh lai lo rawh. Aigupta thihnâk nih Israel tla chu an lakah anna ngauh mi a diklo zia a theihtir na lai rawh. Churawhchun, Israel tla nih kei, LALPA Zahkâi kasi ti an theih lai rawh,” a ti.

EZEKIEL 3:9

Lungpi hâwi hen ka nan birhtir lai, lungmantam hâwi hen ka nan changtir awt; chubang mi hel tla chu ṭih rîlmâl lah na,” a ti.

HOSEA 11:6

Râltuknâk nih an khuapi a phiat dep lai le, an khuapi kulh kawtkâ tla chu a râwk dip lai. Thil an ti mi ṭha chem ah an ruat ruangah ka mi tla an râwk na.

HOSEA 13:2

Thîr milem tla leh tangka milem tla, minung thinlung ruatnâk leh kut hen siam mi sawnh hen an sual vima nget rih, “An sinah bâwlnâk pêk u,” ti hen thu an sim. Zeitin minung nih chawchal lem a bangh mi an châwchawk kho zia!

HOSEA 7:13

“An vânduai rawh! An ka nawng le, ka lakah an hel. An vei lai, hum na ding ka duh le, sikhawmsele an ka sawnh dân a diklo.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

NUMBER 32:14

Tuah nan pa le mun chu nan luah fâwn rawh, tuah thlâk thar misual tla khawm nih Israel lakah Pathian thinthawknâk tlungtir ding hen nanna tîm fâwn.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

DEUTERONOMY 29:19

Tusûn ni ah hi bang hâwi khung tak hen ngiarnâk tla hi theihthiam lo hen mah duh thu hen um mi tla khawm nih ka rangah ṭhatnâk asi titu âukhawm an um lo ti theih u. Mi sia khawm mi ṭha khawm, chu nih chun bang ver hen an râwk na lai.

DEUTERONOMY 9:24

Chu thawk hen chun LALPA lakah hel mang mi nan si ti kan theih na.

DEUTERONOMY 9:7

“Ramkaro ah LALPA nan Pathian nan thinthawk tir mi kha philh lah u. Aigupta ram nan kaltâknâk ni thawk hen hi mun nan tlung tiang hen a tlûnah nan hel mi kha.

2 TIMOTHE 3:13

Misual leh perpettu tla lam chu mi perpet leh mah khawm mi perpet a um hen an sual dadauh lai.

JOSUA 9:14

Israel mi tla nih chun an zumh na le, an sang an lâk le, LALPA khawm simh tâ ding herh hen an ruat lo.