ISAI 3:8 - Bawm Common Language Bible Version

⁸ Asi, Jerusalem chu â râwk rawh! Juda chu a tlû rawh! An thusim leh an thilti zawzawng chu LALPA donâk hep asi; fiang tak hen Pathian khawm an siarlo.

ISAI 3:8 ပူးပေါင်းရင်းမြစ်များ

2 CHRONICLES 28:18

Chu liau chun Philistia mi tla nih thlanglei tlâng bul ah khuapi tla leh simlei Juda ram tla an rûn. Beth Semes, Aijalon, Gederoth leh Soko khuapi tla, Timnah leh Gimzo khuapi leh a kiangkam ah mi khua tla an lâk le, chunah chun bir tak hen an um.

2 CHRONICLES 33:11

Churuangah Asiria kawrsen tla chu LALPA nih Juda tla a rûntir na. Manaseh chu an tleih le, rêng an khimh le, thîr chikchîn hen an khih le, Babulon ah an kalpi.

THUFING LASUIBU 26:27

Midang rangah thang tunhtu chu, anmah anna awh. Âuzawng mun chimtirtu chu siatnâk a tawng.

ISAI 1:7

Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 49:19

“Na ram tla chu a râwk hen a karo hen a um le, Sikhawmsele, tu lam chun um ding hen a hawng kal. Mi tla rangah a mê awt tuktarâi rawh. Nanmah siat leh râwktu chu, nan sinah mi ram lât takah ṭhial an si lai rawh.

ISAI 57:4

Âu me nan nihsanh? Nannih âwkrâwl thusim tla âu me nan diriamh?

ISAI 59:3

Âwkrâwl thusim hen, siat leh râwk hen, mi thah hen nan sual asi.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

JEREMIA 23:36

Churuangah ‘LALPA thilrit’ ti thu an mang ding asi lo rawh, a san chu âuzawng nih a ti mi asi chun ka thuchah chu a sinah thilrit takah ka siam lai. Mi nih an Pathian, Pathian nung, LALPA Zeizawng tikho thu chu an râwk.

JEREMIA 26:18

“Hezekiah Juda lalchem asi liauah, Moreseth ah mi khuavâng Mikah nih LALPA Zeizawng tikho thusim chu zapi tla sinah a sim, ‘Zion chu phâisen nâwn mi hâwi asi lai le, Jerusalem chu thilsia pawng mi asi lai le, Biakin tlâng chu thingmun asi lai,’ a ti.

JEREMIA 26:6

Ka thu nan ngâilo nget mi asi chun, hi Biakin hi Siloh ah ka ti mi hâwi hen ka ti lai le, laikulh phun zawzawng nih a min ah siatbarh mi khuapi an ti lai,” a ti.

JEREMIA 4:13

Zauhnik, sûm hâwi hen mêlma tla an hawng. A râltuknâk kari tla chu thli â hêl mi hâwi asi, a rang tla chu mupi ngâk hen an chak. Kan vei mi rawh! Kan vânduai rawh!

JEREMIA 44:3

An mi tla nih thilsual an ti mi leh ka thin an ka thawktir mi ruangah tu khawm ah râwk kumza hen an um nget rih le, pakhat khawm chunah chun an um lo. Anmah khawm nih, nanmah khawm nih a nan thlâk natu tla khawm nih an sawnh dahlo mi pathian dang tla sinah bâwlnâk an ap le, a rian an ṭuan.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

EZEKIEL 8:12

Pathian nih, “Thikho mi minung, Israel ruitu tla nih a thup hen thil an ti mi na muh ma? In kardang khat zat mi milem tla an sawnh. Anna phelhsawlhnâk chu: ‘LALPA nih a hawng kan muh lo! Ram a kaltâk ving rawh an ti,’ ” a hawng ka ti.

EZEKIEL 9:9

Pathian nih a sâng le, “Israel leh Juda mi tla nih thilsual ṭihnungkâi tla an ti, ram pumpi ah mi an thah na le, Jerusalem chu buarnâk hen an khattir. Kei, LALPA nih an ram chu kaltâk hen anmah tla ka muh na lo rawh mi hâwi hen an sim.

HOSEA 5:5

Israel mi tla zumhnâk chu an tlûnah a âu. An sualnâk nih a bah hen a tlûktir na le, Juda mi tla khawm an sinah an tlû bâk.

HOSEA 7:16

Ka lakah mi chu thiltikhonâk nei lo pathian leikângah an hawng ka pialtâk. Sâikûk zumhkâilo â kuai mi hâwi hen an um. Anmah ruitu tla chu puar tak hen an hawlh ruangah siatnâk lakah an thi lai le, Aigupta mi tla nih an nihsanh lai” a ti.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

HABAKUK 1:13

Sikhawmsele hi bang hâwi misual leh nehsawhtu tla hi zeitin na zuah kho na zia? Misual tla zauh ding hen chun na mit a thenhlimh tuk, mi nih thil diklo an ti mi khawm na zauh ziar kho lo. Churuang chun mi diklo nih mi dik rangah an veih liauah zeitin na dâisip zia?

1 KORIN 10:22

Asi lo chun Lalpa chu thîk ding hen a lung kan fâktir awt bei ne? Amah ngâk hen kan chak dauh hen ma kanna ruat?