ISAI 3:3 - Bawm Common Language Bible Version

³ an râltuk kawrsen tla leh zapi minung ruitu tla, an mi thuthiam tla leh thil a hawng um ding mi theih ding hen dâwi mangtu tla a lâk ver na awt.

ISAI 3:3 ပူးပေါင်းရင်းမြစ်များ

JOB LASUIBU 22:8

Ram pumpi lâk hep ding hen na thiltikhonâk leh na dîrmun na mang.

EXODUS 18:21

Sikhawmsele, thil dang lakah chun a tlâk dauh mi minung thîm le, zapi minung ruitu ding ruat na le, sângkhat ruitu, zâ ruitu, sâwmngâ ruitu, parâ ruitu tla ding mi ruat na. Pathian ṭih mi, mi zumhkâi, nawhnâk lâk lo mi an siding asi.

EXODUS 4:10

Sikhawmsele, Mosi nih, “Silo, LALPA, hawng ka fial lah. Thusim thiam mi ka silo, na hawng ka sawnhnâk thawk hen khawm mi hawlh ring thiam ka silo. Mi hawlh ring thiamlo tak kasi, ka hawlh a fûm hen ka hawlh a hak,” a ti.

ISAI 3:2

An buh leh an tî, an mi ralṭha leh an kawrsen tla, an lâirêltu leh an khuavâng tla, an chamchawh thiam tla leh an mi thiam tla,

ISAI 3:4

LALPA nih zapi minung tla lakah mipa ngâksia a ṭhang zawh lo mi lâirêltu ah a mang awt.

ISAI 5:13

Churuangah rêngtlâk hâwi hen an kalpi ving lai. A nan rui natu chu buh ngei hen an thi lai le, mi zapi tla chu tîhâl hen an thi lai.

ISAI 9:15

Anmah lakah tar leh mi zahkâi tla chu lû an si le, mei chu khuavâng âwkrâwl thusimtu tla chu an si!

DEUTERONOMY 1:15

Churawhchun, phun kip lakah mi mifing leh ti dân thiam tla nan thîm na mi chu ka put na lai le, nan hotu rang ding ah ka siam na lai. A zeimaw mi sâng tlûnah mawhphurhtu ding hen, a zeimaw mi zâ tlûnah, a zeimaw mi sâwmnga tlûnah, a zeimaw mi parâ tlûnah mawhphurhtu tla ka ruat na.

LÂIRÊL 8:18

Churawhchun, Gideon nih Zebah leh Zalmuna chu thu a deih na le, “Tabor khua ah nan thah na mi thu kha zei hâwi mesi?” a ti na. Annih nih an sâng le, “Nangmah hâwi hen lalchem fapa an bangh hep,” an ti.

1 SAMUEL 8:12

A zeimaw mi chu sâng hotu ah a siam na lai le, a dang tla chu sâwmnga hotu ah a siam na lai. Nan fapa tla nih a phâisen an nâwn lai le, a fâng an ât piak lai, a riamnâm an siam lai le, a kari thuamthil tla an siam lai.