ISAI 3:26 - Bawm Common Language Bible Version

²⁶ Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 3:26 ပူးပေါင်းရင်းမြစ်များ

JOB LASUIBU 2:13

A tuar fâk dân an muh le, ni sarih leh zân sarih zei thu khawm simlo hen an to.

JOB LASUIBU 2:8

Nâwmpawng kiangah a to le, bêl kuai hen a mâ a huat.

ISAI 14:31

Nannih Philistia khuapi zawzawng tla, ṭangpi ngiar hen âu u! Ningṭih tak hen nan ektê hen um u! Marlei thawk hen valeidip khû a hawng, an sinâk chiauah kawrsen râlṭha an si.

ISAI 29:2

“Pathian mâichâm” an ti mi khuapi tlûnah siatnâk Pathian nih a hawng tlungtir lai. Ṭapnâk leh lungfâknâk a um lai le, khuapi pumpi chu thisen nih mâichâm a tuam mi hâwi hen a um lai.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

ISAI 33:9

Ram chu thlawrhthlâu leh mâk hen a um. Lebanon mi tumun tla chu a uai le, Saron vakuam ningno tla chu ramkaro hâwi asi rawh, Basan leh Karmel Tlângah mi thing nah tla chu a tlawng.

ISAI 47:1

LALPA nih, “Babulon, na laltophah ah mi chu ṭum le, tual tlûnah valeidip lakah to rawh. Veikhat chu nungâk thenhlimh hâwi hen neh kho lo mi khuapi na si le, sikhawmsele na nêm hen na no kumza lai lo rawh! Tu chun sal na si rawh.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

JEREMIA 14:2

“Juda chu ngaihsiatnâk ah a um le; a khuapi tla khawm thi ding mi hâwi asi. A mi tla khawm ngaihsia hen tual ah an rîl phut. Jerusalem chu ṭangpi hauh hen a âu.

JEREMIA 15:8

Tipi kapah mi risep ngâk hen nan ram ah mi numei tla an tam dauh rawh. Nan tlangvâl tla chu an ṭhat liauah ka thah na le, an nu tla ka tuartir na. Lungdawnghnâk leh ningṭihnâk hen ka vuak chawlh na.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

LUNGFÂKNÂK 1:4

Tu chu ni thenhlimh tla khawm ah âukhawm Pathian sawnh ding hen an hawng lo rawh. Nungâk lasaktu tla khawm nih an tuar le, Bâwlpu tla khawm an rûm mi ko rawh. Khuapi kulh kawtkâ tla chu a karo hen a um le, Zion chu ngaihsiatnâk ah a um rawh.

LUNGFÂKNÂK 2:10

Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

LUNGFÂKNÂK 2:8

LALPA nih Zion kulh chu râwk ding a tum rerêng; Râwk dep ding hen a tahtimh zet mi rawh. A kulh leh a insâng tla khawm tu chun râwk dep hen a um rawh.

EZEKIEL 12:20

Tuah khuapi minung hen a khat mi chu veih hen a um lai le, ram khawm ramkaro hâwi hen siam asi lai. Chu tikah kei LALPA kasi ti an theih lai,” a ti.

EZEKIEL 26:16

Tipi ah um mi phun tla lal zawzawng an laltophah thawk hen thlâk an si lai. An lal thuam leh an nipuan thuamh mi tla an lit piak na lai le, tual ah thir bû hen an to lai. Na thihnâk ruangah an lâu tuk ah an thir mi an bâng kho lai lo.

MIKAH 1:9

Samaria â liam mi chu damh kho asi lai lo, Juda khawm chu hâwitê hen a tuar bâk awt; ka mi tla umnâk Jerusalem kulh kawtkâ tiang chu siatnâk nih a phanh rawh” a ti.

MATHAI 11:17

‘Theikhang ka nan tum piak na le, nan lâm ṭung lo; thungâi kan ṭap le, nan ir nan chumh ṭung lo,’ ti mi tla hâwi an si.

LUK 19:44

Na dâwngsung lakah na fa tla, nangmah hen tual ah an lawnh chiam lai; na sungah lung chuanh mi rerêng an zuah lai lo; a nan veh liau na theih lo ruangah chu hâwi ni tla chu na tlûnah a hawng tlung teh lai,” ti hen.