ISAI 3:25 - Bawm Common Language Bible Version

²⁵ Asi, khuapi ah mi tla, a chak chem mi tla khawm râltuknâk ah an thi lai.

ISAI 3:25 ပူးပေါင်းရင်းမြစ်များ

2 CHRONICLES 29:9

Kan pa tla chu raltuknâk ah thah hen an um le, kan nupi leh kan fa tla chu sal ah put hen an um.

ISAI 1:20

Sikhawmsele nan ka siarlo mi asi chun, vânduai tak hen nan thi lai. Kei, LALPA nih ka sim asi,” a ti.

ISAI 65:12

Ka nan kawh na liauah nan ka sâng duh lo ruangah leh thu ka sim liauah nan ngâi duh lo ruangah siat leh râwk hen thihnâk chu nan tâ asi lai. Ka lakah ê-aw ngâilo ding leh sual thilti ding nan thîm.

JEREMIA 11:22

Churuangah, LALPA Zeizawng tikho nih, “Ka rêp na lai! An tlangvâl tla chu râltuknâk ah an thi lai le, an fa tla chu buh ngei hen an thi lai.

JEREMIA 14:18

Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”

JEREMIA 15:8

Tipi kapah mi risep ngâk hen nan ram ah mi numei tla an tam dauh rawh. Nan tlangvâl tla chu an ṭhat liauah ka thah na le, an nu tla ka tuartir na. Lungdawnghnâk leh ningṭihnâk hen ka vuak chawlh na.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

JEREMIA 19:7

Hi mun ah hin Juda mi tla leh Jerusalem thiltum zawzawng chu ka tlawlhtir na lai. An mêlma nih neh hen ka siam na lai le, râltuknâk ah an thah na lai. An ruak tla chu va leh ramsa tla râwl ah ka pêk lai.

JEREMIA 21:9

Âuzawng khuapi lakah umtu chu râltuknâk lakah mawh sungvâng leh râi lakah mawh an thi lai. Sikhawmsele âuzawng va suak hen tuah khuapi dotu Babulon mi tla sinah va a pêktu chu thah an si lai lo; a nungnâk zing zuah asi lai.

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

AMOS 9:10

Ka mi lakah misual tla, ‘Pathian nih kan lakah nganfâk a tlungtir lai lo’ titu zawzawng chu râltuknâk ah thah hen an um lai,” a ti.