ISAI 3:24 - Bawm Common Language Bible Version

²⁴ Rimthâw mang ding ngâk hen an rim lam a sia lai; tâisâwm ṭha sâwm ding ngâk hen rirual hen tâi anna sâwm lai; sam dawh nei ngâk hen an lû lam a kâwng lai; puan ṭha aih ngâk hen salâpuan anna aih lai. Anna dawhnâk chu ningzakkâi hen a hawng um lai.

ISAI 3:24 ပူးပေါင်းရင်းမြစ်များ

ESTHER 2:12

Chu hâwi a nunau dawh tak hen bulsân ding hen kum khat a duh. Murrah sariak chulh ding hen thla ruk, a dang thla ruk balsam sariak chulh ding a duh rih. Chu nûn chun nungâk chu pakhat vima hen lalchem Zerzes sinah kalpi ding asi rawh.

JOB LASUIBU 16:15

Salâpuan aih hen zûn ka ulh. Valeidip lakah ka to le, neh kasi rawh.

THUFING LASUIBU 31:24

Puan leh tâisâwm a tah le, sawlehtu sinah a zuar.

THUFING LASUIBU 7:17

Rimthâw murrah, aloe, leh cinamon ka chulh.

ISAI 15:2

Dibon mi tla chu tlâng mi, mi thenhlimh thlân leiah ṭap ding hen an kâi. Moab mi tla chu Nebo leh Medeba khua ruangah thungâi an lung a fâk; an lungfâk ruangah an lû leh an khamul tla an mêt hep.

ISAI 15:3

Tual lâi ah zapi tla nih salâpuan anna aih le; khuapi kulh leh in tlûnah mi zapi tla chu an lungfâk le an ṭap.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

ISAI 3:23

suak leh langhnâk thuam tla, an mêl nâwtnâk puannêm leh upâwng tla, an lû khuhnâk puan sâu tla lâk ver asi lai.

ISAI 4:4

LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

ISAI 57:9

Rimthâw leh sariak nanna thuh le, Molek pathian sawnh ding hen nan kal. Pathian tla sawnh ding hâwl hen ram lât tak leh mun dang dangah mi nan fial le, laikulh thihnâk lei tiang khawm ah nan fial.

JEREMIA 4:8

Churuangah LALPA thinthawknâk fâk tak Juda lakah mi a reh lo ruangah salâpuan aih ule; ṭap leh thinlung fâk hen um u.

JEREMIA 48:37

An ektê hen an lû leh an khamul an mêt hep. An kut tla an ât le, mikip nih salâpuan anna aih.

JEREMIA 49:3

Hesbon mi tla, ṭap u! Ai khua chu râwk hen a um rawh! Rabah ah mi nunau tla, lungfâk tak hen um u! Salâpuan a aih ule, ulh u. Nawk ruangah tek u. Nan pathian Milkom chu a lal leh a bâwlpu tla hen sal ah kalpi hen an um lai.

JEREMIA 6:26

LALPA nih a mi le sinah, “Salâpuan aih ule, vachâm nâwngah rîl u. Minung pakhat nanmah veih ding hen hawng kal mi nih an do sâwm na awt ruangah, fapa pakhat tek ruangah nan lung a fâk ding mi hâwi hen mitthli tlâ rê hen lungfâk u.

LUNGFÂKNÂK 2:10

Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

EZEKIEL 27:31

Nangmah ruangah an lû tla an mêt le, Salâpuan anna aih. An lung a fâk tuktarâi ruangah thungâi an ṭap.

EZEKIEL 7:18

Salâpuan anna aih lai le, an thir lai. An lû tla an mêt lai le, ningzakkâi tak hen an um hep lai.

JOEL 1:8

Nan nih zapi tla, nungâk, a pasal ding mi a thi ruangah a lungfâk le, a ṭap mi hâwi hen ṭap u.

LEVITICUS 26:16

ka nan rêp na awt. Nan tlûnah vânduainâk râi dam kho lo leh zâwtnâk, nan mit châwtirtu ka hawng tlungtir lai le, nan nungnâk chu a vei lai. Thlâi nan chîng lai le, zeikhawm a ṭha lai lo, nan mêlma tla nih an neh na lai le, nan chîng mi tla khawm an ei piak hep na lai.

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

MIKAH 1:16

Juda mi tla nan fa nan dâwt mi tla sal ah put an si awt ruangah nan lung a fâk zauhtirnâk ah nan sam mêt u. Mulukawlh hâwi hen nan lû kâwng tleng ziat u.

DEUTERONOMY 28:22

Râi a kâi kho mi, phingnâk leh damlonâk hen LALPA nih a nan vuak na lai le; nikhuakhêu leh thlilûm nan thlâi râwk ding hen a hawng fial lai. Nan thih lânlo hi bang siatnâk hi nan sinah a um lai.

DEUTERONOMY 32:24

Sungvâng leh damlo hen an thi lai le, râi ṭihnungkâi hen an thi lai. Anmah sehtu ding hen ram sa tla ka fial lai le, anmah chuktu ding hen rûl tûrnei ka fial lai.

1 PETER 3:3

Nan thuam tla chu lênglei thuam sam phiar mawh, ngûn ṭhi awih mawh, nipuan hen thuam mawh si lah seh.

THUPHUANG 11:3

Chun, ka thu theihpitu mi panih chu ka fial lai le, salâpuan aih hen ni sâng khat zanih leh sâwmruk Pathian thu an sim lai,” a ti.

THUPHUANG 16:9

Chun, chu minung tla chu nî nih ût rê hen emh na khawmsele, nî tlûnah thuneitu Pathian chu sawr leh chawnglawmh ngâk hen hawlhsiat an barh le, an sualnâk chu an rim lêm lo.

THUPHUANG 18:9

Chun, tual ah lal tla amah pung tâwntu leh, a nuamsabut chenhpitu tla nih chun a kâng mi khû chu an zauh tikah,