ISAI 3:2 - Bawm Common Language Bible Version

² An buh leh an tî, an mi ralṭha leh an kawrsen tla, an lâirêltu leh an khuavâng tla, an chamchawh thiam tla leh an mi thiam tla,

ISAI 3:2 ပူးပေါင်းရင်းမြစ်များ

1 CHRONICLES 9:1

Israel mi zawzawng tla chu an dâwngsungkhur um dân hâwi vima hen rîn an si. Hi hi Israel lal tla thâwngthâng rînnâk bu ah theihnâk ding ah rîn asi. Juda mi tla chu an sual ruangah rêp hen Babulon sal ah an um.

SAM 74:9

Kan singsiahnâk thenhlimh tla chu a vei rawh; khuavâng pakhat khawm an relh lo, hi hi zeitiang a sâwt awt âukhawm nih an theih loh,

ISAI 3:3

an râltuk kawrsen tla leh zapi minung ruitu tla, an mi thuthiam tla leh thil a hawng um ding mi theih ding hen dâwi mangtu tla a lâk ver na awt.

EZEKIEL 17:12

“Mi hel tla chu hi tahṭhimhnâk thu umdân hi an theihfiang mi asi chun deih na. Babulon lalchem Jerusalem ah a hawng le, lalchem leh a rianṭuantu tla chu Babulon leiah a kîrpi na mi simh na.

EZEKIEL 17:13

Lal dâwngsung lakah mi pakhat chu thutiamnâk a neipi le, zumhkâi tak a um ding hen thu a tiamhtir.

EZEKIEL 8:12

Pathian nih, “Thikho mi minung, Israel ruitu tla nih a thup hen thil an ti mi na muh ma? In kardang khat zat mi milem tla an sawnh. Anna phelhsawlhnâk chu: ‘LALPA nih a hawng kan muh lo! Ram a kaltâk ving rawh an ti,’ ” a hawng ka ti.

EZEKIEL 9:5

Midang tla sinah Pathian nih thu a sim mi chu ka theih le, “Khuapi sungah va zûl ule thah u. Pakhat khawm zuah lah na u; âu tlûn khawm ah khua ruat lah u.

AMOS 2:3

Moab ram lâirêltu leh ram lakah ruitu zawzawng tla chu ka thah na lai,” a ti.