ISAI 3:15 - Bawm Common Language Bible Version

¹⁵ Ka mi tla siat leh rawk ding leh mipam tla nâuneh ding hen thuneihnâk nan nei lo. Kei, LALPA Zahkâi, Zeizawng tikho nih chu chu ka sim asi,” a ti.

ISAI 3:15 ပူးပေါင်းရင်းမြစ်များ

SAM 94:5

LALPA, na mi tla an râwk le, na tâ tla chu an nehsawh.

EXODUS 5:14

Aigupta sal vêngtu tla nih Israel mi rianṭuan leikângah ruitu a lukhâi dauh hen an siah na mi tla chu an vuak na. “Zei rangah nannih tla hi a lânah tual rawh nan siam mi zat hen nan siam lo?” an ti na.

THUFING LASUIBU 30:14

A zeimaw mi nih mipâm leh ṭangpi herh lakah ṭhalo tak hen thil an ti; chu hâwi hen ei muhnâk ding ah an mang.

ISAI 10:2

Chubang hâwi hen mipâm tla chu thu nan neitir lo le, dik tak hen um ding khawm nan siang na lo. Churuang tak chun asi, mi ngâkṭah leh numei tla thil-le-rî nan lâk piak na mi chu.

ISAI 14:30

LALPA chu a mipâm tak tla rangah dawrâpu asi lai le, him tak hen a umtir na lai. Sikhawmsele, nannih Philistia mi tlûnah pâm fâk tak a hawng tlungtir lai le, pakhat khawm dam hen an mâk na lai loh.

ISAI 26:6

Nehsawh hen an um mi tla chu tu chun a tlûnah an kal rawh le, an kê hen an lamhbêk.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 30:12

Sikhawmsele, hi hi Israel Pathian thenhlimh nih a sim mi asi: “Thu ka nan simh na mi chu ngâi ding nan duh lo le, râwknâk leh perpetnâk ah nanna ngauh.

ISAI 32:6

Mi â nih chun â tak hen thu a sim le, thilsual ti ding mi a dawn. A thilti leh a thusim chu LALPA siarlonâk hep asi le, mi sungvâng rangah buh a pêk dahlo, mi tîhâl rang khawm ah din ding a pêk dah loh.

ISAI 5:7

Israel chu LALPA zeizawng tikho grep dûm asi; Juda mi tla chu grep phun mi tla chu an si. Thil ṭha an ti ding hen an lakah a lungum le, sikhawmsele chu ngâk hen mi lam an thah. Thil dik an ti ding hen a lungum le, sikhawmsele, anmah ruangah tuartu tla chu diknâk duh hen an âu.

ISAI 58:4

Nan buh ngeinâk nih a nan râwk na le, nanna êl le, nanna sual. Hi bang hâwi buh ngei hen thlachamnâk lakah hin an ngâi piak na ding hen nan ka ruat ma?

ISAI 63:8

LALPA nih, “Ka mi le an si; an ka perpet lai lo,” a ti. Churuangah an tuarnâk zawzawng lakah mi ruang a suah na.

EZEKIEL 18:2

“Israel ram ah hi thufing an sim lemang mi hi zei tinâk me si? ‘Nu leh pa nih grep thur an ei le, sikhawmsele fa tla nih a thur mi an theih,’ ti hi.

JONA 1:6

Lawng hotu nih a va muh le, a sinah, “Zeitin itmû thaw tak hen na it zia? Thawk le na pathian sinah ṭangpi deih hen thlacham, hawng kan lungkham hen kan nungnâk a zuah kekkawk lai mawh,” a ti.