ISAI 3:12 - Bawm Common Language Bible Version

¹² Tangka pûktirtu tla nih ka mi tla an nehsawh na le, lei anna batnâk tla nih an perpet na. Ka mi le tla, an rui natu tla nih a mahlo leiah an kalpi na le, churuangah zei lei lampi ah pial ding asi ti nan theih loh.

ISAI 3:12 ပူးပေါင်းရင်းမြစ်များ

2 Lal 11:1

Lalchem Ahaziah nu Athaliah nih a fapa an thah mi thu a theih le, lal dâwngsung zawzawng thah hep na ding hen thu a pêk.

JOB LASUIBU 30:13

Ruang ka suaknâk ding an kham le, veih ding an ka awt, âukhawm nih an kham na lo.

THUFING LASUIBU 28:16

Theihnâk ṭha nei lo hen lâirêltu chu mi nehsawhtu asi. Zumhkâilonâk huatu nih chun sâwt tak hen lâi a rêl lai.

THUSIMTU 10:16

Ram lakah lalchem seinotê asi hen leh khuadei ver hen ruitu tla puai lakah um mi ram chu a nawk.

ISAI 19:14

LALPA nih nawknâk thu simhtu ah a siam na. Aigupta nih thil diklo kip ti hen zû rî hâwi hen a hâwr le, amah luak lakah a bah mi hâwi hen.

ISAI 3:4

LALPA nih zapi minung tla lakah mipa ngâksia a ṭhang zawh lo mi lâirêltu ah a mang awt.

ISAI 51:22

LALPA nan Pathian a nan vêngtu nih, “Ka thinthawknâk hâi ka nan pêk mi chu ka lâk ving rawh. A nan hâwrtirtu uain chu na din lai lo rawh.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

MIKAH 3:5

Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

NAHUM 3:13

Na kawrsen tla chu nunau hâwi hen an um lai le, na ram tla chu na mêlma lakah vêngtu lo hen an um lai, mei nih na kulh kawtkâ renh tla a khangh hep lai.

MATHAI 15:14

Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.