ISAI 3:11 - Bawm Common Language Bible Version

¹¹ Sikhawmsele misual chu siat leh râwk hen an um le; midang tlûnah thil an ti mi tla chu anmah tlûnah ti hen a um lai.

ISAI 3:11 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

2 SAMUEL 3:39

Kei, Pathian thîm mi lalchem men nih tusûn ni ah thungâi ka tuar phah asi. Hi bang Zeruiah fapa tla hi ka rangah veihtu an si. Chubang hâwi hen mi thah mang tla chu LALPA nih rêp na seh,” a ti.

1 Lal 21:21

Churuangah hi hâwi hen LALPA nih a nan ti, ‘Na tlûnah siatnâk ka hawng tlungtir awt, na dâwngsung lakah mipa fa zawzawng ka veih phin lai, a upa ngâksia hen.

2 CHRONICLES 6:23

LALPA, vân thawk hen nang hawng le, na to-aw tla chu lâirêl piak na. A sual mipa chu rêp le, a sual lo mi chu âwltir.

JOB LASUIBU 10:15

Ka sual ka hen nangmah lakah lawksawngnâk ka nei le, sikhawmsele thil dik ka ti liau khawm ah thangṭhatnâk tawng ka nei lêm lo. Vânduai hen ka um le, ningzaknâk hen ka khat.

SAM 28:4

Thil an ti mi leh an thilsual ti ruangah rêp na. An thilti zawzawng ruangah anmah hen â dêng tâwk ding hen rêp na!

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

THUFING LASUIBU 1:31

Churuang chun, nangmah thilti na tlûnah a tlung lai le, nangmah thilti ngelchel nih a nan ngawrtir lai.

THUFING LASUIBU 11:31

Mi ṭha chu hi tual tlûn khawm ah lâwmman pêk hen a um le, misual leh mi ṭhalo chu rêp hen an um ding na theih chia an si.

THUFING LASUIBU 12:14

Na lâwmman ting ding chu na thusim leh na thilti lakah asi, na thilti ziatê hen na tawng lai.

THUFING LASUIBU 26:27

Midang rangah thang tunhtu chu, anmah anna awh. Âuzawng mun chimtirtu chu siatnâk a tawng.

THUSIMTU 8:13

Sikhawmsele misual rangah chun sul-le-lam a tluang kho lo. An nungnâk chu thlapelê hâwi asi. Pathian ê-aw an ngâilo ruangah seino an si liauah an thi lai,” an ti mi ka theih.

ISAI 13:11

LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

ISAI 48:22

LALPA nih, “Misual tla rangah himnâk rêng a um lo,” a ti.

ISAI 65:20

Fasêm thih khawm a um lai lo rawh le, minung san khawm sâutir asi lai. Kum zâ cho a dam mi chu seinotê ah ruat asi lai. Chu lânah a thi mi chu ka rêp na mi singsiahnâk asi lai.

ISAI 65:6

“Rêp an siding mi chu ka thlûk zet le, rêp an tuar ding mi khawm rîn asi rawh. Thil an ti mi chu ka relh awt lo,

ISAI 65:7

sikhawmsele anmah leh an thlâktu tla sual man ka pêk na awt. Lunglotu tla mi thenhlimh thlân tlângah rimthâw tla an duah le, an ka sâwi. Churuangah a lânah an thilti lakah a dêng tâwk hâwi hen ka rêp na awt,” a ti.

JEREMIA 21:14

Sikhawmsele thil na ti mi ruangah ka nan rêp awt. Na lal in ka duah lai le, a kiangkam mi zeizawng a kâng ver lai. Kei, LALPA nih ka sim asi,” a ti.

JEREMIA 31:30

Chu ngâk hen âuzawng grep rah thur eitu nih a hâ pârtê hen a chih le, mikip mah sual ruangah a thi lai,” a ti.

EZEKIEL 16:59

LALPA Zahkâi nih, “Na thutiam na zulh lo ruangah leh thudântuk na buar ruangah nangmah dêng hen ka nan ti awt.

EZEKIEL 18:20

Thilsual titu chu a thi ding asi. A pa sual ruangah a fa nih a tuar ding asi lo, a fapa sual ruangah a pa khawm nih a tuar ding asi lo. Mi ṭha nih thil ṭha ti lâwmman a tawng lai le, misual nih a thilsual ti mi ruangah a tuar lai.

EZEKIEL 2:10

Chu lalsuibu zual chu kut nih a samh le, pat nih hen rîn mi ka muh, chunah chun ngaihsiatnâk ruangah ṭapnâk, lungfâknâk leh rûmnâk ti hen â rîn.

EZEKIEL 24:14

Kei, LALPA Zahkâi nih ka sim asi. Ti ding hen ka tik a tlung rawh. Na sualnâk chu theih lo hen mawh pawi ti hen khuaruatnâk ka nei awtlo. Na thilti ruangah rêp hen na um lai,” a ti. LALPA Zahkâi nih a sim asi.

EZEKIEL 33:8

Misual chu thi ding asi ka ti mi lakah nung ding hen a umdân lêt ding hen na simhkan lo hen sual si bû hen a thi chun, a thihnâk mawh chu nangmah tlûnah ka thâng awt.

MIKAH 3:4

LALPA nan auh ding mi tik a tlung awt, sikhawmsele a nan sâng na lai lo. Thilsual nan ti ruangah nan thlachamnâk khawm an sâng na lai lo.

MIKAH 7:13

Sikhawmsele a tlûnah misual um mi tla ruangah tual chu ramkaro hâwi hen a hawng um rawh.

NUMBER 32:23

Sikhawmsele, nan thutiam hâwitê nan tilo chun LALPA lakah thilsual nan ti mi asi ti ka nan simh na. Chu thu lakah chun palhrahnâk nei lah u; nan sual ruangah rêp nan tawng lai.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

LÂIRÊL 9:57

Gideon fapa Jotham nih hawlh siat a barh na hâwi hen Sekem khua minung tla khawm chu Pathian nih lehrûl sam hen an sualnâk ruangah an tuar rawh.