ISAI 3:10 - Bawm Common Language Bible Version

¹⁰ Mirep tla chu anna lâwm lai le, an rangah thil zeizawng a tluang lai. An rianṭuan tha fâk lakah anna lâwm kho lai.

ISAI 3:10 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

SAM 58:11

Mi leh tla nih chun, “Mirep tla chu lâwmman pêk an si tak rawh, laikulh lâirêltu Pathian chu a um tatak ngâk,” an ti lai.

EXODUS 1:20

Faring zauhkhenhtu tla nih Pathian an ṭih ruangah an lakah a lungâwi le, dâwngsungkhur nei hen a siam na. Israel mi tla khawm an pung hen an chak vima.

THUFING LASUIBU 10:6

Mi ṭha nih malsâwmnâk â ting lai le, misual thusim nih umdân ṭhalo a pheh.

THUFING LASUIBU 12:14

Na lâwmman ting ding chu na thusim leh na thilti lakah asi, na thilti ziatê hen na tawng lai.

THUFING LASUIBU 13:21

Misual chu mun kip ah nawknâk nih a zûl. Sikhawmsele mirep tla chu thil ṭha hen lâwmman pêk asi lai.

THUFING LASUIBU 18:21

Na thusim chu nangmah nunhtu khawm asi kho, nangmah veihtu khawm asi kho. Churuang chun na thusim zia zia hen na tawng ding asi.

THUSIMTU 8:12

Misual nih vei zâ thil sual a ti khawm ah a dam nget kho rih. Asi, thu an sim mi lakah: “Pathian thu na ngâi chun, thil zeizawng a dik lai.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

JEREMIA 15:11

LALPA, na rian ṭhadek ka ṭuan lo hen ka mêlma tla an lawksawng hen anna hamh mi rangah ka ngiar piak na lo mi asi chun, an siatbarh tla chu tlung ngelchel seh.

JEREMIA 21:14

Sikhawmsele thil na ti mi ruangah ka nan rêp awt. Na lal in ka duah lai le, a kiangkam mi zeizawng a kâng ver lai. Kei, LALPA nih ka sim asi,” a ti.

JEREMIA 22:15

Sidar thing hen in na sak hen, in dang ngâk hen dawh dauh hen a um mi nih lal ṭha dauh ah a nan siam ma? Na pa chu a san tlum tiang lâwm tak hen a um. A dik hen a ṭha kumza le, a thilti zawzawng sul-le-lam tluang hen a um.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

EZEKIEL 18:20

Thilsual titu chu a thi ding asi. A pa sual ruangah a fa nih a tuar ding asi lo, a fapa sual ruangah a pa khawm nih a tuar ding asi lo. Mi ṭha nih thil ṭha ti lâwmman a tawng lai le, misual nih a thilsual ti mi ruangah a tuar lai.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

MIKAH 7:13

Sikhawmsele a tlûnah misual um mi tla ruangah tual chu ramkaro hâwi hen a hawng um rawh.

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

LUK 19:19

Chun anih nih chun, anih sinah khawm chun, ‘Nang khua panga lakah hotu ah um rawh,’ a ti.

DEUTERONOMY 12:25

Hi bang thupêk tla hi nan zûl chun, LALPA a lâwm lai le, nanmah leh nan thlâk tla rangah thil zeizawng a tluang lai.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.