ISAI 28:9 - Bawm Common Language Bible Version

⁹ Ka lakah an chipchiar. “Mi nih sîntir hen ka um a ti theih hen âunih zûl? A thuchah chu âunih herh hen a theih? Fasêm nûk tlei rawh mi rang lâwng ah a ṭha asi!

ISAI 28:9 ပူးပေါင်းရင်းမြစ်များ

SAM 131:2

Chu ngâk hen chun, lungsi tak leh lungngam tak hen um ka duh dauh. Fa chu a nu ṭângka ah â ngauh mi hâwi hen ka thinlung nuam tak hen a um.

SAM 50:17

A nan diktir ding hen na ka duh lo le. ka thupêk khawm na duh lo.

THUFING LASUIBU 1:29

Finghnâk mang ding rerêng na nei lai lo, LALPA thu na ngâi ding na duh lo nget ruangah.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 28:26

Pathian nih a sîntir ruangah a rianṭuan ding dân chu a theih.

ISAI 30:20

LALPA nih tik harsa zawzawng a nan tuartir na lai le, sikhawmsele, nanmah sîntir ding hen amah ngelchel a um lai le, nannih nih amah rangah nan hâwl ding a herh lai lo rawh.

ISAI 48:17

Israel Pathian thenhlimh nangmah a nan humtu LALPA nih thu a sim: “Kei hi LALPA nan Pathian, nanmah ṭhatnâk ding ah an sîntir na duhtu leh nan kalnâk ding lampi ah an kaltir natu kasi.

ISAI 50:4

Mi chaklo tla chu ka chaktir khonâk ding hen LALPA zahkâi nih sim ding mi chu a hawng ka sîntir. Zîng siar hen hawng ka sîntir mi lakah ngâi ding hen thinlung thawknâk hawng ka pêk.

ISAI 53:1

Zapi tla nih an sâng le, “Tuah kan thusim hi âunih a lung lai? Hi lakah hin âunih LALPA kut muh khotu um?

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 6:10

Kei nih ka sâng le, “An sinah thu ka sim hen ka simhkan na chun âunih an ka ngâi piak awt? Mi lungkhung an si le, na thuchah khawm an ngâi duh lo; sim ding hen thu na ka simh mi hi an nihsuak tâwk cho lai.

MATHAI 11:25

Chu liau chun Jisu nih, “Aw ka Pa, tual leh vân Lalpa, nangnih mifing leh mi fâifîm tla sinah hi bang thu hi na pheh, nâusêm tla sinah na phuang ruangah hin ka nan sawr.

MARK 10:15

Thungâi tak hen ka nan simh na, âuzawng Pathian Ram chu ngâksiatê nih a lawmh mi hâwi hen lawmh lotu zawng chu a sungah an lût rîlmâl lai loh,” a ti.

JOHAN 12:38

“Lalpa, kan thusim âunih me lung? Lalpa thiltikhonâk khawm âu sinah me a lang?” ti, khuavâng Isai thusim kha a tlung khonâk ding hen.

JOHAN 3:19

Hi hi mawhnâk asi, chêu laikulh ah a hawng kal le, sikhawmsele mi le tla nih chêu ngâk hen mûi an duh dauh, an thilti tla an sual ruangah.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.