ISAI 28:4 - Bawm Common Language Bible Version

⁴ Chubang mizûm ruitu tla rokualnâk vei ding mi chu theipi a tikah min masa chem mi tla ei sawm vima mi hâwi hen an vei lai.

ISAI 28:4 ပူးပေါင်းရင်းမြစ်များ

ISAI 28:1

Israel lalram chu a vânduai rawh! A rokualnâk chu a ruitu zurî lû ah chawmpâr lallukhuh hâwi hen a nawh rawh. Anna zumhnâk lû chu rimthâw an thuh le, sikhawmsele chunah chun zurî bû hen an rîl ko.

ISAI 8:4

Chu ngâksia chu ‘Ka nu, ka pa,’ a ti kho lânah Damaska neihnâk zawzawng leh Samaria ah an rawk mi thil zawzawng chu Asiria lalchem nih a put hep lai,” a ti.

HOSEA 13:1

A lânah Efraim phun tla nih thu an sim liauah Israel phun dang tla an lâu le, Efraim tla rangah an zah na. Sikhawmsele mi nih Baal an sawnh mi ruangah an thi lai.

HOSEA 13:15

Israel tla chu belh hâwi hen ningno khawmsele ramkaro lei thawk hen thli lum ka hawngtir lai le, an tinungva leh an tikhurchawh tla a kang hep lai. Thilsung zawzawng a lâk hep lai.

HOSEA 6:4

Sikhawmsele LALPA nih, “Israel leh Juda, zeitin ka nan ti na awt? Nan hawng ka dâwtnâk chu zînglei sûm a vei chawlh mi hâwi asi, damtî zînglei ah a vei mi hâwi asi.

HOSEA 9:16

Israel mi tla chu thil phun a ram châr fêk hen rah suah kho lo mi hâwi an si. Fa rêng an nei lai lo le, nei khawmsele an dâwt tak mi chu ka thah na awt.

MIKAH 7:1

Lungdawng a kâi thlo, mi sungvâng nih thing lakah rah a tawng lo mi leh grep zûn lakah a rah tawng lo mi hâwi kasi. Grep zawzawng leh theipi thaw zawzawng kawih hen an um rawh.

NAHUM 3:12

Na kulh tla chu theipi a kûng tlûnah a rah a min le, a kûng an ninh le, a rah min chu na kâ lakah a hawng tlâ mi hâwi asi lai.

THUPHUANG 6:13

Chun, ârfi tla vân thawk hen, theipi kûng thlipi nih a vuak le, a rah hel tla a tlawng mi hâwi hen tual ah an tlâ rawh.