ISAI 27:8 - Bawm Common Language Bible Version

⁸ LALPA nih a mi tla chu sal ah kaltir na hen a rêp na. Saklei mi thli ṭhalo hen a put ving na.

ISAI 27:8 ပူးပေါင်းရင်းမြစ်များ

JOB LASUIBU 23:6

Pathian nih a chaknâk zawzawng tla, keimah donâk ah ma a mang awt? Silai loh, ka thusim a ngâi lai.

SAM 103:14

Zei hen siam kan si ti a theih; valeidip kan si mi khawm a theihkumza.

SAM 103:9

Nunsimh a bâng lo; a thinthawk kumza lo.

SAM 38:1

LALPA, na thinrunnâk hen hawng ka rêp lah!

SAM 6:1

LALPA, thinrun hen nun hawng ka simh lah le; na thinthawknâk hen hawng ka rêp lah!

SAM 76:10

Minung tla thinthawknâk chu nangmah sawr tawngnâk cho asi.

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

ISAI 1:5

Zei rangah a lakah hel kumza hen nan um? Rêp hen um ma nan duh nget rih? Israel, na lû chu liam mâ nih a tuam pang le, na thinlung leh na dawnruatnâk khawm a ngawr.

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

ISAI 54:7

“Sâwtlotê kar chu ka nan mâk le; dâwtnâk fâk tak hen ka nan lâk nawlh lai.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

ISAI 64:5

Thil dik ti hen lâwmnâk hâwltu leh nangmah duh dân hen um ding theihkumzatu tla chu na lawmh na. Kan lakah na thinthawk le, sikhawmsele kan sual vima rih; a lân thawk hen na thinthawknâk fâk tak na suah khawm ah thil diklo kan ti nget rih.

JEREMIA 10:24

LALPA, na mi tla chu diktir na le, sikhawmsele na thinthawk hen hawng kan rêp khawm ah fâk tuktarâi lah seh; chu chu kan dawngnâk asi lai.

JEREMIA 30:11

Nan sinah ka hawng lai le, ruang ka nan suah na lai. Ka nan rekrâwitir na mi ram ah phun zawzawng tla ka veih na lai le, sikhawmsele nannih lam chu ka nan veih na lai lo. Rêp lo hen ka nan suah na ding asi lo. sikhawmsele ka nan rêp na tik chun, ṭhat ka lawh lai. Kei, LALPA nih ka sim asi,” a ti.

JEREMIA 4:11

Ramkaro thawk hen thli lum anmah leikângah a hawng râng ding mi thu Jerusalem mi tla simh ding tik chu a tlung rawh. Fahî tla cho ranh ding mi thli salam asi awtlo.

JEREMIA 4:27

(LALPA nih chun, laikulh pumpi chu ramkaro hâwi a hawng si lai le, sikhawmsele ka râwk dep lai lo ti hen a sim.)

JEREMIA 46:28

Nan sinah ka hawng lai le, ruang ka nan suah na lai. Ka nan rekrâwi na nâk phun tla chu ka veih na lai le, nannih chu kan veih na lai loh. Rêp lo hen kan siah na awt lo; sikhawmsele, kan rêp na tikah chun ṭhat ka lawh lai. Kei, LALPA nih ka sim asi,” a ti.

LUNGFÂKNÂK 3:31

LALPA chu mi khuaruat tak asi le, hawng kan nawng kumza ding asi lo.

LUNGFÂKNÂK 3:32

Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

EZEKIEL 19:12

Sikhawmsele, thinthawknâk kut nih a ram hen a phâwi zek le, tual ah a puak thlo. Saklei thli nih a rah chu a chârtir fêk. A ṭeng tla a kiak hep le; an châr hiam le, an duah hep.

HOSEA 13:15

Israel tla chu belh hâwi hen ningno khawmsele ramkaro lei thawk hen thli lum ka hawngtir lai le, an tinungva leh an tikhurchawh tla a kang hep lai. Thilsung zawzawng a lâk hep lai.

HOSEA 4:1

LALPA nih hi ram ah um mi tla tlûnah simsâwinâk a hawng tlungtir awt. Israel, thu a sim mi chu ngâi rawh, “Ram lakah mi zumhkâi leh dâwttu âukhawm an um lo, mi tla nih Pathian ah khawm an hawng ka ruat lo.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

1 PETER 1:6

Niknâk tam tak nan tuar mi ruangah sâwtlotê kar nan rangah ngaihsiatkâi khawmsele chu lak chun a lâwm u.