ISAI 27:7 - Bawm Common Language Bible Version

⁷ LALPA nih a mêlma hâwi tluk rak hen chun Israel mi tla chu a rêp na lo, a minung khawm chu tluk rak hen an vei lo.

ISAI 27:7 ပူးပေါင်းရင်းမြစ်များ

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

ISAI 10:17

Pathian, Israel tla chêunâk chu mei asi lai. Israel Pathian thenhlimh chu meialh ah a hawng a chang lai le, chu nih chun ni khat ko ah thil zeizawng ling leh bua tiang a khangh hep lai.

ISAI 17:14

Zânlei ah chun ningṭihnâk an tlungtir le, zînglei ah chun an kal ving. Chu chu kan ram rûntu tla mikip tingvo chu asi.

ISAI 17:3

Israel chu vêngtu nei lo asi lai le, Damaska nih mah thu hen a umnâk chu a vei lai rawh. Siria thibang tla chu Israel tla hâwi hen mualpho tak hen an um lai. Kei, Zeizawng tikho LALPA nih chu chu ka sim asi,” a ti.

ISAI 30:31

Asiria tla nih LALPA hâu an theih rawh chun an lâu lai le, a rêpnâk fâk tak an theih lai rawh.

ISAI 31:8

Asiria chu tuknâk lakah veih hen a um lai le, sikhawmsele minung thiltikhonâk hen asi lai lo. Asiria mi tla chu râltuknâk lakah mi chu an tek lai le, an tlangvâl tla chu sal ah siam an si lai.

ISAI 31:9

An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.

JEREMIA 50:40

Sodom leh Gomorah leh a kiangkam ah khuapi tla ka râwk na liau mi hâwitê hen Babulon lakah a hawng tlung lai. Âukhawm chunah chun an um nawlh lai lo rawh. Kei, LALPA nih ka sim asi.

JEREMIA 51:24

LALPA nih, “Babulon leh a mi tla chu Jerusalem ah an thilsual ti zawzawng ruangah lehrûl ka sam na mi nan ka muh lai.

NAHUM 1:14

Hi hi LALPA nih Asiria mi tla lakah a thusuah chu asi: “An min thâwn vima ding hen thlâk an nei lo rawh, an biakin ah milem an pathian tla ka veih awt. Asiria mi tla chu lung ding hen an tlâklo, an rangah thlân ka timhtuah rawh,” a ti.

NAHUM 3:19

Na nganfâk ṭhatnâk ding zeikhawm a um lo, nâ liam mi khawm damh kho asi lai lo. Na siat leh râwknâk thu theihtu zawng chu anna lâwm tukah zâ an bengh rê lai. Dawng ti umlo hen ṭhatlo na rawt mi thu ah suahtu an um ma?