ISAI 27:5 - Bawm Common Language Bible Version

⁵ Sikhawmsele ka mi tla mêlma tla nih ka kilkâwi na mi an duh chun ka lakah remnâk siam na seh. Asi, keimah hen remnâk siam hen um na seh,” a ti.

ISAI 27:5 ပူးပေါင်းရင်းမြစ်များ

JOB LASUIBU 22:21

Job, tuah, Pathian hen a rem u. Mêlma hâwi hen a rangah na ti mi hi bâng le, chu hâwi na ti chun mal a nan sâwm lai.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 25:4

Mipâm leh ṭangpitu nei lo chu na sinah an hawng tek le, lawksawng liauah him tak hen an um. Thli leh ruah lakah dawrnâk na pêk le, nî sâ lîn lakah mi chu dâidul ah na umtir na. Misual tla nih busik liauah thli leh ruah hâwi hen leh, ram châr lakah nikhua kheu hâwi hen an do.

ISAI 26:12

LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

ISAI 42:19

Ka to-aw ngâk hen mitchâw khun mi leh ka mifial ngâk hen a nâsêt dauh mi an um maw aw?

ISAI 45:24

“Keimah thawk hen cho nehnâk leh chaknâk tawng ding asi mi leh hawng ka huatu zawzawng nih ningzaknâk an tuar ding mi an sim lai.

ISAI 56:2

Dinhni ulh kumzatu leh diklo hen mang lotu chu mal ka sâwm na lai. Thilsual tilotu tla chu mal ka sâwm na lai,” a ti.

ISAI 57:19

Mun nâi leh mun lât ah mi an ektê sinah thlangamnâk ka pêk na lai! Ka mi tla chu ka damh na lai.

ISAI 64:7

Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

LUK 13:34

“Aw, Jerusalem! Jerusalem! khuavâng tla thahtu, na sinah Pathian nih a hawng fial mi tla lung hen thi thlap sehtu, ârpinu nih a fa tla a thla tangah a khurh hâwi hen na fa tla vei zei zat me khurh ka tum mi kha! Sikhawmsele, na duh lo.

LUK 14:32

Chu hâwi asi lo âwk leh, lalchem dang chu lât tak hen a um liauah remnâk lei thu thutiam deih ding hen rêl a fial lai.

LUK 19:42

“Aw, nang rîlmâl nih hin tu dam liau lungngamnâk ding thu hi hawng theih râm nik le! Sikhawmsele na muh lonâk ding hen â thup dangâiah.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

JOSUA 10:6

Gibeon mi tla nih Gilgal riakmun ah mi Josua sinah thu an tlunh: “Pu, hawng kan thlawrhthlâu rîlmâl lah, khulrang hen hawng le, hawng kan hum! Amor lalchem tla tlâng ram ah mi anna bawp le, hawng kan do hi!” an ti.