ISAI 27:4 - Bawm Common Language Bible Version

⁴ Grep zûn thu ah ka thin a thawk lai lo rawh. Ling leh bua lâwng do ding um mi sele ka duah hep lai rawh.

ISAI 27:4 ပူးပေါင်းရင်းမြစ်များ

2 SAMUEL 23:6

Sikhawmsele Pathian nei lo mi tla chu ling lawnh kho mi hâwi hen an si; âukhawm nih kut ko hen an tawngh kho lo.

2 SAMUEL 23:7

Thîr hen riamnâm leh fei na mang lai, chu tla chu duah hep an si lai.

SAM 103:9

Nunsimh a bâng lo; a thinthawk kumza lo.

SAM 85:3

An lakah na thinthawknâk chu na lêt le; na thinrunhnâk fâk tak chu na nâwp.

ISAI 10:17

Pathian, Israel tla chêunâk chu mei asi lai. Israel Pathian thenhlimh chu meialh ah a hawng a chang lai le, chu nih chun ni khat ko ah thil zeizawng ling leh bua tiang a khangh hep lai.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 33:12

Lung hawldap siam ding hen a kâng leh a mân mi hâwi leh bua a kâng le, vachâm asi mi hâwi na si lai.

ISAI 9:18

Mei nih bualingnei leh bua tla a khangh mi hâwi hen mi zapi sualnâk nih a khangh. Ram a kâng mi meikhû a dîr luai mi hâwi hen a kâng.

JEREMIA 29:11

Nan rangah ka thiltum tla siat leh râwknâk um lo hen sul-le-lam tluang tak hen kalpi kan tum na mi leh mâilei ah nan lungum mi thu lakah an kalpi na ding ka tum mi thu chu keimah cho nih ka theih.

EZEKIEL 16:63

Thilsual na ti mi zawzawng ka nan ngaihdam lai le, sikhawmsele nang khawm nih na theihkumza na lai le, na ningzak tuk ruangah hawlh khawm na hawlh lai lo,” a ti. LALPA Zahkâi nih a sim asi.

MALAKI 4:3

Thil ka ti ni ah chun, misual tla chu nan neh na lai le, nan kezaphah tangah valeidip hâwi hen lamhbêk mi hâwi an si lai.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

HEBRAI 6:8

Sikhawmsele, ling tla leh bua tla a suah chun zeirang khawm ah a tlâktlâi loh, Pathian siatbarh ṭihnungkâi nâk ah a um le, chun mei hen duah asi lai.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.