ISAI 27:3 - Bawm Common Language Bible Version

³ “Ka vêng le, tî ka tawih kumza. A sûn a zân hen âukhawm nih râwk lo ding hen ka vêng.

ISAI 27:3 ပူးပေါင်းရင်းမြစ်များ

GENESIS 6:17

Thil nung zawzawng veih dep ding hen tual tlûnah buanso ka tlungtir awt. Tual tlûnah thil zawzawng a thi ver lai.

GENESIS 9:9

“Tu chun nangmah leh na thlâk tla sinah thudân ka tuk rawh le,

1 Lal 8:59

Zeiliau zawng ah LALPA kan Pathian nih hi bang ka thlachamnâk leh a sinah ka deih mi tla hi theihkumza seh. An nisiar thil herh hâwi hen Israel leh an lalchem tlûnah khuaruat kumza seh.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 46:5

Chu khuapi ah chun Pathian a um le, zeiliau khawm â râwk dah lai loh; khuadei bâiah a ṭangpitu a hawng tlung lai.

ISAI 31:5

Va nih a bû lakah mi a fa a vêng mi hâwi hen, kei, LALPA Zeizawng tikhotu nih, Jerusalem chu ka hum hen ka vêng awt asi,” a ti.

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ISAI 46:4

Kei, na Pathian kasi, na tar hen na sam pâr tiang ka nan zauhkhenh lai. Ka nan siam mi na si, ka nan zâuhkhenh lai; Ka nan ṭangpi lai le, ruang ka nan suah lai.

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

ISAI 58:11

Ka nan rui kumza lai le, thil ṭha tla hen ka nan khimtir lai. Chak tak leh nung dam hen ka nan kilkâwi lai. Dûm tî tam tak nei mi, tinung va kang dahlo mi hâwi na si lai.

ISAI 60:16

Nu nih a fa a zauhkhenh mi hâwi hen, Phun tla leh lalchem tla nih a nan zauhkhenh lai. Kei, LALPA nih ka nan hum mi leh Israel Pathian chak nih ka nan suah asi ti na theih lai rawh.

EZEKIEL 34:11

“Dawrâpu nih a dawrâ tla anna rekrâwi mi a pumh nawlh na le, a zauhkhenh na mi hâwi hen,

EZEKIEL 34:24

Kei, LALPA chu an Pathian kasi lai le, David hâwi mi lalchem chu an lâirêltu asi lai. Keimah nih ka sim mi asi.

EZEKIEL 37:14

An lakah ka thaw ka khumh lai le, ka nungtir nawlh na lai le, an ram ah ka umtir nawlh na lai. Chu tikah LALPA kasi ti an theih lai rawh. Hi hi ti ding hen thu ka tiamh mi hi ka ti awt asi. Kei, LALPA nih ka sim asi,” a ti.

EZEKIEL 37:28

An lakah ka Biakin um kumza ding hen ka siah tik chun, Israel mi tla chu kei, LALPA nih ka mi rang ding ah ka thîm na mi an si ti phun tla nih an theih lai rawh ka ti mi simh na,” a ti.

1 SAMUEL 2:9

A mi zahkâi tla chu a hum na le, sikhawmsele misual chu mûi lakah an vâi. Mi nih amah chaknâk cho hen zeikhawm a neh kho lo.