ISAI 27:13 - Bawm Common Language Bible Version

¹³ Chu ni chu a hawng tlung tik chun, Asiria leh Aigupta ah Israel mi tla sal ah tâng hen um mi ruangah kîr ding hen kawhnâk tâwtawrâwt an tum lai. An hawng lai le, LALPA chu Jerusalem ah mi a tlâng thenhlimh ah an sawnh lai rawh.

ISAI 27:13 ပူးပေါင်းရင်းမြစ်များ

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

SAM 47:5

Pathian chu laltophah ah a to. A to liauah lâwmnâk âu hâu leh Tâwtawrâwt tum hâu tla a um.

SAM 81:3

Thlalâi leh thladêt liauah puai rangah tâwtawrâwt tum u.

SAM 89:15

Nangmah vêlneihnâk chêu ah umtu tla leh la hen a nan sawnhtu tla chu an lâwptlo a!

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 18:3

Tual tlûnah um mi zawzawng, ngâi u! Tlâng sâng tak tlûnah puanzâr thlâi ding mi chu zauh u! Tâwtawrâwt tum hâu ngâi u!

ISAI 19:21

LALPA chu amah tak Aigupta mi tla sinah â langh lai le, amah sinah anna theihtir hen amah an sawnh lai le, bâwlnâk an hawng put lai le, an ap lai. A sinah thutiam bir tak an nei lai le, an thutiam zia hen an ti lai.

ISAI 19:22

LALPA nih Aigupta mi tla chu a rêp na lai le, sikhawmsele a damh na lai. Amah leiah anna her lai le, an thlachamnâk a ngâi lai le, a damh na lai.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 25:6

LALPA Zeizawng tikho nih hi Zion Tlâng tlûnah hin laikulh phun zawzawng rangah puai, buh ei ding mi ṭha chem leh uain ṭha chem mi hen puai a tuah awt.

ISAI 43:6

Marlei chu a nan suah na ding hen ka simh na lai le, simlei chu a nan thloh na lo ding hen ka simh lai. Ka mi tla chu ram lât tak, laikulh munkip thawk hen kîrtir na u.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 56:8

LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

ISAI 66:18

An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

ISAI 66:23

Thla Thar Kût ni leh Dinhni kip ah phun kip mi tla Jerusalem ah keimah sawnh ding hen an hawng lai,” LALPA nih a ti.

JEREMIA 31:6

Asi, vêngtu nih Efraim tlângah, ‘LALPA, kan Pathian sinah Zion tlângah kan kâi lai, ti hen âu ding mi tik chu a tlung rawh,’ ” a ti.

JEREMIA 43:7

LALPA thupêk chu an ngâilo le, Aigupta ram ah mi Tahpanhes khuapi tiang an kal.

JEREMIA 44:28

Sikhawmsele nan lakah mi tâwmtê thi lo mi chu Aigupta ram ah mi chu Juda ram ah nan kîr lai. Churawhchun, a thibang tla nih keimah thu ma a dik anmah thu ma, âu thu a dik an theih lai.

EZEKIEL 20:34

Ka nan rekrâwitir na nâk ram kip thawk hen ka nan pumh na tikah ka thiltikhonâk leh ka thinthawknâk ka nan zauhtir na lai.

EZEKIEL 20:41

Nanna rekrâwinâk ram ah mi ka nan suah na hen munkhat hen ka nan pumh na tikah chun, bâwlnâk nan duah mi tla chu ka pawm lai le, phun tla nih mi thenhlimh kasi zia an muh lai rawh.

EZEKIEL 39:25

LALPA Zahkâi nih, “Sikhawmsele, tu lam chun Jakob thlâk Israel mi tla tlûnah khua ka ruat lai le, sul-le-lam tluang tak hen ka siam na lai. Ka min thenhlimh chu ka hum lai rawh.

DANIAL 11:45

A lal puanin tla khawm Biakin tlâng leh tipi karah a zâr lai. Sikhawmsele chunah âukhawm ṭangpitu umlo hen a thi lai,” a ti.

HOSEA 11:11

Aigupta thawk hen va hâwi hen chak tak hen an hawng lai le, vaṭhu hâwi hen Asiria thawk hen an hawng lai. An in ah ka tlungtir nawlh na lai, kei LALPA nih ka sim mi asi,” a ti.

HOSEA 8:13

Ka sinah bâwlnâk an ap le, bâwlnâk sa chu anmah nih an ei. Sikhawmsele kei LALPA nih ka lawmh na lo, tu chun an sualnâk chu theih hen anmah ka rêp na lai le, Aigupta ram leiah ka kîrtir ving na awt!”

HOSEA 9:3

Israel mi tla chu LALPA ram ah an um kumza lai lo le, Aigupta ram ah kîr nawlh hen Asiria ram ah khap mi buh an ei lai.

LEVITICUS 25:9

Churawhchun, a thla sarihnâk a ni râ ni ah tlanhnâk ni asi, ram pumpi ah minung pakhat tâwtawrâwt tum ding hen fial.

MIKAH 7:14

LALPA, na thîm mi na minung tla lakah vêngtu si rawh. Ramkaro ah a dangtê hen um menza na khawmsele an kiangkam ah ram ningno tak a um. A lânah an um mi hâwitê hen ram ṭha Basan leh Gilead ram ah kaltir na le, châwm na.

ZEKARIA 14:16

Churawhchun, Jerusalem dotu phun lakah a thibang tla chu kum siar hen LALPA Zeizawng tikho chu sawnh ding hen leh Bâsâ Kût mang ding hen chunah chun an kal lai.

ZEKARIA 8:7

Kalpi ving hen ka mi tla an umnâk ram a mi chu ruang ka suah na lai le,

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

MATHAI 24:31

Chun, a vânmifial tla chu tâwtawrâwt hâu fâk tak hen a fial na lai. Chun thîm mi tla chu kâwlkil li ah mi dawnghnâk thawk hen khatlei dawngh tiang hen an pumh lai.

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

ROM 10:18

Sikhawmsele, ka deih le: Thu an theih lo mi hi a dik tak ma? Theih ta a, Pathian lasui thu nih a sim hâwi khan: “An hâu chu ram kip ah a thang le, an thu kâwlkil tiang hen a thang rawh,” ti hen.

1 THESALONIKA 4:16

Lalpa tak chu âu hâu hen, vânmifial chungnungchem hâu hen, Pathian tâwtawrâwt hâu hen, vân thawk hen a hawng ṭum awt dangâiah; chun, Krist ah thi rawh tla chu an thawk masa lai le;

HEBRAI 12:22

Zion Tlâng leh Pathian nung khua, vân Jerusalem, a vânmifial sâng tam tak tla umnâk chu nan hawng tleng rawh.

THUPHUANG 10:7

sikhawmsele, vânmifial pasarihnâk nih a tâwtawrâwt chu a tum tikah Pathian thuthup chu a tling lai rawh, a to-aw khuavâng tla sinah a phuang rawh hâwi khan,” a ti.

THUPHUANG 8:2

Chun, Pathian mâika ah vânmifial pasarih an dîr mi ka muh le, an sinah chun tâwtawrâwt pasarih an pêk na.

THUPHUANG 8:6

Chun, vânmifial pasarih tâwtawrâwt pasarih puttu tla chu tum ding hen anna timhtuah rawh.

THUPHUANG 9:14

chu aw-hâu nih chun, vânmifial paruknâk tâwtawrâwt a put mi sinah chun, “Eufretis tipi ah vânmifial pali phuar hen an um mi tla kha suah na rawh!” a ti.