ISAI 27:11 - Bawm Common Language Bible Version

¹¹ Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 27:11 ပူးပေါင်းရင်းမြစ်များ

SAM 106:40

Churawhchun, LALPA chu a mi le tla lakah a thinthawk le; a fih na rawh.

ISAI 1:3

Ran nih a dâwngpu a theih le, sanatung tla nih an dâwngpu nih râwl a pêk na mi mun an theih. Sikhawmsele ka mi Israel tla ngâk hen an theih dauh. Annih nih chun an theih lo thlo,” a ti.

ISAI 18:5

Grep rah kawih lânah, a pâr a tlawng liauah, grep min liau chirah Sudan tla chu grep zûn ṭeng nâmtê hen awldek hen an tan mi hâwi hen mêlma tla nih an veih na lai.

ISAI 43:1

Israel, nan siamtu LALPA nih, “Lâu lah, ka nan hum lai. Na min hen ka nan auh, ka tâ na si.

ISAI 43:7

Keimah mi tak an si le, hawng ka rokualtirtu rangah ka siam na mi an si,” a ti.

ISAI 44:2

Kei, LALPA a nan siamtu chu kasi; na suak liau thawk hen ka nan ṭangpi. Nang chu ka to-aw, ka mi thîm ka dâwt mi na si; ṭih lah.

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 5:13

Churuangah rêngtlâk hâwi hen an kalpi ving lai. A nan rui natu chu buh ngei hen an thi lai le, mi zapi tla chu tîhâl hen an thi lai.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

JEREMIA 11:16

Veikhat chu oliv thing nah dawh tak leh rah dawh tak mi ka nan ti le, sikhawmsele tu lam chun khuarît hâwi hâu suah hen a nah chu mei hen ka duah lai le, a ṭeng tla ka khiak awt.

JEREMIA 13:14

Churawhchun, uain dûr hâwi hen anmah tla a upa a ngâksia mi bang cho hen kuai dip hen anmah leh anmah ka khâwng na lai. Ka thah na ding mi chu pawi tinâk, lungkhamnâk leh khuaruatnâk nih a hawng ka kham lai lo,” a ti.

JEREMIA 16:5

“Mithi ulhnâk in khawm ah lût lah. Âu ruang khawm ah lungfâk lah. Ka mi tla chu thlangamhnâk hen mal ka sâwm na lai lo rawh, ka dâwtnâk leh khua ka ruatnâk khawm an lakah ka langh awtlo rawh.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 8:7

Lili âr men nih kîr tik a theih; vaṭhu, thlâkâwi, thrush tla khawm nih ṭiau tik an theih. Sikhawmsele, ka mi tla, nannih nih lâi kan rêl piak na dân nan theih lo.

EZEKIEL 19:12

Sikhawmsele, thinthawknâk kut nih a ram hen a phâwi zek le, tual ah a puak thlo. Saklei thli nih a rah chu a chârtir fêk. A ṭeng tla a kiak hep le; an châr hiam le, an duah hep.

EZEKIEL 20:47

LALPA Zahkâi nih thu a sim mi chu ngâi ding hen simlei mi tumun simh: Zauhnik! Mei duah ka dawmh rawh, nan lakah mi thing zawzawng a châr mi leh a ring mi a kâng lai. Zeikhawm nih a mih kho lai lo. Simlei thawk hen marlei tiang a tlân lai le, mikip nih meialh linh zia an theih lai.

EZEKIEL 9:10

Sikhawmsele, anmah ka lungkham na awtlo rawh; midang lakah an ti hâwi hen an lakah ka ti awt,” a ti.

HOSEA 4:14

Sikhawmsele, chu mi ruangah annih tla chu ka rêp na awtlo, nanmah ngelchel khawm â zuar mi biakin ah nan kal hen anmah tla hen bâwlnâk ap mi nan si ruangah. Thufing nih, ‘Theihnâk nei lo mi tla chu anna râwk lai,’ ” a ti mi hâwi hen

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

MATHAI 13:15

Hi phun tla thinlung hi a mawlâwt rawh le, an nâ tla a ngawng ver le, an mit an sîm ver, Chu lo chun kan mit hen kan muh lai le, kan nâ nih a theih lai le, kan thinlung hen kan theih ber lai le, kanna lêt nawlh lai le, anih nih hawng kan damh sual lebang lai,’ an ti, a ti mi kha.

MATHAI 13:19

Âuzawng nih Ram thu chu nâ nih a theih hen, a ngaihtawnh dân a theih lêm lo chun Setan chu a hawng kal le, a thinlung ah vawrh chia chu a suh ving tâwn. Chu minung chu lam vâu ah vawrh mi chu asi.

MATHAI 3:10

Tu thawk hen reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn.

JOHAN 15:6

Mi keimah lakah a um kumza lo chun, ṭeng hâwi hen lawnh hen a um le, a uai tâwn; chun, an khawmh le, mei ah an paih le, a kâng tâwn.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 1:31

sia leh ṭha theihnâk nei lo tla, thupêk buartu tla, zângfahnâk thinlung suakpi lo tla, zângfahnâk nei lo tla an si.

DEUTERONOMY 4:6

Zumhkâi tak hen zûl ule, phun dang tla lakah mifing nan sinâk a lang lai. Chubang dân zawzawng an theih tikah chun, ‘Hi phun rokual tak nih finghnâk leh theihthiamnâk an nei a!’ an ti lai.

1 THESALONIKA 2:16

ruangsuah an si khonâk ding hen Phundang tla sinah thusim an khap tâwn; an sual tahnâk khattir tâwn ding hen: Sikhawmsele, thinrunhnâk chu dawng rît hen an tlûnah a hawng tlung rawh.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.