ISAI 26:7 - Bawm Common Language Bible Version

⁷ LALPA, mi ṭha rangah lampi chu na tlawrtir le; an khualtlâwngnâk lampi khawm a râwn rawh.

ISAI 26:7 ပူးပေါင်းရင်းမြစ်များ

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

JOB LASUIBU 31:6

Pathian nih zumhkâinâk hen hawng ka khingh sele, thilsual ka tilo zia a muh lai.

SAM 1:6

Mirep tla chu Pathian nih a hum na lai le; Misual tla lam chu anmah siatnâk lampi ah an um.

SAM 11:4

LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 11:7

LALPA chu â rep le, thil ṭha ti a lawmh; chu hâwi titu chu a sinah an um lai.

SAM 25:4

LALPA na lampi hawng ka sîntir le, hawng ka theihtir.

SAM 25:5

Na thudik ziatê hen um ding hen hawng ka sîntir le, ka Pathian, hawng ka humtu na si ruangah kanan zumh kumza lai.

SAM 27:11

LALPA, ti ding na ka duh mi chu hawng ka sîntir le, mêlma tam tak ka nei ruangah himnâk lampi ah hawng ka rui vima.

SAM 5:9

Ka mêlma thusim chu zumh kho mi asi lo; râwk ding karo an ka duh. An aw-kâ chu a thlum hen a tlawr. Sikhawmsele thihnâk rê hen perpetnâk asi.

THUFING LASUIBU 11:5

Zumhkâinâk nih mi ṭha nun a nuamtir le, sikhawmsele misual nih chun amah niamnâk thil a ti.

THUFING LASUIBU 20:7

Pa zumhkâi thil dik titu fa tla chu an vân a ṭha.

THUFING LASUIBU 21:8

Misual tla chu lam ngâwi lakah an kal le, thilsual tilotu nih thil dik an ti.

THUFING LASUIBU 3:6

Na thiltinâk zeizawng ah LALPA chu theih le, amah nih lampi dik a nan khît piak lai.

THUFING LASUIBU 4:18

Mirep tla kalnâk lampi chu sûn nî a suak mi hâwi asi le, nî a hawng sâ tan tiang hen a chêu mi hâwi asi.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 52:12

Tu lam chu nam bû hen nan suak lai lo rawh le; suak ding hen khawm nanna ṭang lai lo rawh. LALPA nan Pathian nih a nan rui na lai le thil zeizawng ah a nan hum na lai.

ISAI 57:2

Ṭha tak a umtu nih thlangamnâk a tawng le, thihnâk ah â dîn.

JEREMIA 10:23

LALPA, âukhawm mah um ding dân theihthiamtu a um lo ti ka theih, âukhawm nih mah nungnâk hi an thu hen an umtir kho lo.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

ZEPHANIAH 3:5

Sikhawmsele LALPA chu khuapi sungah a um ko le, thildik a ti le, thil diklo chu a ti dahlo. Zîng siar hen a mi le tla sinah thildik a ti, sikhawmsele chunah mireplo tla nih thil diklo an ti kumza.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.