ISAI 26:4 - Bawm Common Language Bible Version

⁴ LALPA chu zumh kumza ule, amah nih hawng kan hum kumza lai.

ISAI 26:4 ပူးပေါင်းရင်းမြစ်များ

2 CHRONICLES 20:20

A thâituan zîngtê ah Tekoa kiang mi mâng leiah an va kal. Anna thawh liauah Jehosaphat nih hi bang thu tla a chah na: “Jerusalem leh Juda mi tla! LALPA nan Pathian lakah a ngauh thlir u, chu tikah bir tak hen nan dîr lai. A khuavâng tla nih an simh na mi chu zumh thlir ule, chu tikah dingchangnâk nan tawng lai,” a ti na.

2 CHRONICLES 32:8

Annih chu minung thiltikhonâk an nei le, kannih lam chu LALPA kan Pathian nih râl kan do ding mi hawng kan ṭangpi ding hen kan nei,” a ti. Zapi minung tla chu an lalchem thusim ruangah râlṭhatnâk an nei.

JOB LASUIBU 9:19

Zângran ko hen ka ṭang lai ma? Pathian ka zângnâwr lai ma? lâirêlnâk ah ka kalpi lai ma? Âunih anih kaltir lai?

SAM 125:1

LALPA ngauhsantu tla Zion tlâng ninh kho lo leh ṭhial dahlo mi hâwi asi.

SAM 18:2

LALPA chu hawng ka vêngtu leh ka kulhpi bir na si. Ka Pathian chu ka himnâk asi le, amah lakah ka him. Phaw hâwi hen a ka hum le, a ka vêng le, him tak hen hawng ka kil.

SAM 46:1

Pathian chu kanna dawrnâk leh kan chaknâk asi, lawksawng ni ah ṭangpi ding hen â tîm kumza.

SAM 55:22

LALPA sinah na lawksawngnâk chu pêk le, amah nih a nan vêng lai; mi zumhkâi chu neh hen a umtir dahlo.

SAM 62:11

Thiltikhonâk leh a dâwtnâk dawnglo chu amah lak thawk hen mi asi ti Pathian nih a sim mi veikhat ngâk a tam ka theih.

SAM 62:8

Ka mi le tla, zeiliau zawng ah Pathian chu rinhsanh u. Kan himnâk asi ruangah nan lawksawngnâk zawzawng amah simh u.

SAM 62:9

Minung hi thawsuah mi hâwi cho asi, a lian a mê zeikhawm an si lo. Khîng lakah thlâi khawmsele ritnâk an nei lo, thlivir ngâk hen an zâng dauh asi.

SAM 66:7

A thiltikhonâk hen zungzâl lâi a rêl le; phun tla chu a zauh kumza na. âukhawm a lakah an hel lo.

SAM 93:1

LALPA chu lalchem asi. Lalnâk leh chaknâk hen â thuam. Tual chu a mun ah siah asi le, ninh kho asi lo.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 17:10

Israel, lungpi a bir mi hâwi hen a nan humtu leh ruang a nan suahtu Pathian chu na philh rawh. Ramdang pathian sawnhnâk ding hen dûm thenhlimh lehlam na siam dauh.

ISAI 30:29

Sikhawmsele, nannih Pathian mi tla, zân puai thenhlimh ah nanna lâwm hen la nan sak mi hâwi hen nan lâwptlo lai. Israel Vêngtu LALPA Biakin leiah tumphung theikhang tla hen lâwm tak a kal mi hâwi hen nan um lai.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 45:24

“Keimah thawk hen cho nehnâk leh chaknâk tawng ding asi mi leh hawng ka huatu zawzawng nih ningzaknâk an tuar ding mi an sim lai.

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

ISAI 51:5

Ka hawng sawm lai le, ruang ka suah na lai; ka nehnâk tik chu a nâi rawh. Keimah tak nih phun tla tlûnah lâi ka rêl lai. Ram lât tak ah mi tla nih ka hawng ding mi leh anmah ruang ka suah na ding mi lungum tak hen an hawng ka ngâk lai.

ISAI 63:1

“Edom ram ah mi Bozrah khuapi thawk hen a hawng mi âu mesi? A sen hen â thuam ziar le, thiltikhonâk leh chaknâk hen a kal vima mi khi âu mesi?” “Ruangsuah ding hen LALPA thiltikho tak, a nehnâk thu phuang ding hen a hawng mi asi.”

DANIAL 3:17

A rian kan ṭuan mi Pathian nih meihum lakah mi leh na thiltikhonâk lakah mi hawng kan hum kho asi, amah nih a ti ko lai.

DANIAL 3:28

Lal nih, “Sadrak, Mesak leh Abednego Pathian chu sawr hen um seh. Hi minung tla amah lungtu hum ding hen a vânmifial a hawng fial, ka thupêk khawm an ngâilo le, anmah Pathian lo chu zei pathian khawm an mâimûk lo ruangah an nungnâk chu ruangsuah hen an um.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

DEUTERONOMY 33:27

Pathian chu nanmah vêng kumzatu asi; A zungzâl bân chu nanmah ṭangpitu asi. Nan kalnâk zawng ah nan mêlma tla chu a nar le, An ektê râwk ver ding hen an simh na.

PHILIPI 4:13

Krist hawng ka chaktirtu ah chun zeizawng ka ti kho asi.

1 SAMUEL 2:2

LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.